Search

Frankay yashyize hanze indirimbo irata ubutwari intwari z’u Rwanda zagize mu kubohora igihugu(Yumve)

NAWE WATUNGA IMODOKA Y'INZOZI ZAWE, KANDA HANO WIGURIRE IMODOKA ZIHENDUTSE GUHERA KU MAFARANGA IBIHUMBI 100 GUSA

KANDA HANO UREBE VIDEO

Umuhanzi Kayiranga Frankay wamenyekanye mu ndirimbo zitandukanye hano mu gihugu no hanze yacyo harimo Kubwanjye, Tekana, Ngirira vuba n’izindi nyinshi yashyize hanze indirimbo nshya yise “Intwari nyayo” akaba ari indirimbo igaragaza ibiranga intwari nyayo koko kandi inashishikariza n’abandi guharanira ubutwari.

Umuhanzi Frankay Kayiranga ubusanzwe ni umuhanzi uzwiho kuririmba mu njyana ya R&B akaba akorera ibikorwa by’umuziki we mu duce dutandukanye tw’igihugu mu rwego rwo kugeza ubutumwa bunyujijwe mu ndirimbo ku banyarwanda bose ubu akaba yahisemo gukora Indirimbo ivuga Intwari nyayo iyo ariyo.

Mu magambo uyu musore yagarutseho cyane  muri iyi ndirimbo, yavugaga uburyo umuntu aharanira ubutwari akiriho kuko nyuma y’ubu buzima ntabundi butwari umuntu yashobora gukora ngo yiyubakire igihugu cye. Yashimye intwari z’u Rwanda ndetse anavuga uburyo zakoze igikorwa cy’abagabo muguharanira kugeza igihugu ahantu heza.

Yagize Ati: Ntwari z’Urwanda muri abagabo mwakoze ibyiza byinshi muri bene Kanyarwanda”.

Frankay yakoze iyi ndirimbo mu rwego rwo gushimira Intwari z’u Rwanda,mu gihe buri tariki ya 01 Gashyantare buri mwaka hizihizwa umunsi w’Intwari mu Rwanda hose,hibukwa ibikorwa by’ingirakamaro bakoze ndetse banakangurira urubyiruko guharanira ubutwari mubuzima bwabo bwa buri munsi.

Mu kiganiro yagiranye n’Ibyamamare.com yatangaje ko ajya kugira igitekerezo cyo kwandika iyi ndirimbo yabanje gusubiza amaso inyuma yitegereza aho igihugu cy’u Rwanda cyavuye naho kimaze kugera abona Atari ibyo kwihererana ahitamo gushimira ababiharaniye anakangurira n’abandi kubiha agaciro no guharanira kuzakora nk’ibyo abandi bakoze.

Yagize Ati:” Nasubije amaso inyuma nitegereza u Rwanda rwo hambere isura rwari rufite ndetse niyo rufite ubu, nibutse ko hari ababiharaniye mpitamo kuririmba mbashimira mbarata ubutwari bagize ni Abagabo cyane”.

Frankay arakangurira umunyarwanda wese aho yaba ari hose guharanira kugira ubutwari ashaka icyarushaho guteza imbere igihugu cy’u Rwanda kugira ngo hakomeze gusigasirwa ibyo abitangiye igihugu basize bagezeho. Avuga ko ubutwari atari ubw’umuntu umwe ahubwo ko umuntu uwo ariwe wese ashobora kuba intwari.

Agirati: “Ubutwari si ubw’umuntu umwe, ahubwo ni ukuri nawe wabikora ukitwa intwari kuko ubutwari buharanirwa umuntu akiri muzima”.

Frankay ni Umuhanzi umaze gutwara ibihembo bitandukanye hano mu Rwanda, aho kugeza ubu yamaze kwibikaho REMO Awards,ishimwe rya REMA muri RDB akaba akomeje kwigirira icyizere cyo kuzatwara n’ibindi bihembo bihuza abanyamuziki. Ni umuhanzi umaze kwagura imipaka mu mikorere y’ibitaramo aho yitabiriye ibitaramo bitandukanye mu Rwanda no mu bindi bihugu by’Abaturanyi.

Umva indirimbo “Intwari nyayo” ya Frankay ivuga ku ntwari z’u Rwanda

KWIZERA Juvenal-Ibyamamare..com

Comments

comments




Leave a Reply

Your email address will not be published. Required fields are marked *

This site uses Akismet to reduce spam. Learn how your comment data is processed.