Fresh Gemmy yakoze indirimbo yo kuramya no guhimbaza Imana “Ntarindi zina”. Yumve

“Ubuhamya si ukuba ugeze ku rupfu ukagaruka, buri muntu agira ubuhamya bwe, ntawundi wakora nk’uko ukuboko kw’Imana kwakora”

Umuhanzi Nyarwanda ukorera muzika muri Leta Zunze Ubumwe z’Amerika Fresh Gemmy yashyize hanze indirimbo yo kuramya no guhimbaza Imana yise “Ntarindi zina” indirimbo igaruka ku mbaraga z’Imana, inashimangira ko ntarindi zina ryo guhanga amaso usibye Yesu Kristo.

Fresh Gemmy wamenyekanye cyane umwaka ushize mu ndirimbo nka “Njye nawe” yakoranye na Gisa Cyinganzo, “Show me love” yakoranye na Mr Kagame , “Urugo ruhire” n’izindi avuga ko iyi ndirimbo nshya yakoze atari ubuhamya bwihariye ku buzima bwe ahubwo ari iy’abantu muri rusange.

“Buri muntu agira ubuhamya bwe , ubuhamya si ukuba ugeze ku rupfu ukagaruka,ngaruka ku kuboko kw’Imana gukora byose tutakwishoboza muri rusange”

Fresh Gemmy

Uyu muhanzi warumenyerewe mu ndirimbo zisanzwe bamwe bita iz’isi avuga ko agiye kujya akora n’indirimbo zaririmbiwe Imana mu rwego rwo gusakaza ubutumwa bwiza no kuzamura icyubahiro cy’Imana

” Nari narapanze kujya nkora indirimbo za Gospel, izisanzwe ndetse niz’ubukwe, iyi ndirimbo yanjemo kubera ibitangaza Imana ikora nta mwana w’umuntu wabikora, nk’ubu hari icyorezo amahanga yose yarize, usibye Imana ninde wagihagarika ? Isaha nigera kizagenda bidaturutse ku buhanga bw’abantu ahubwo ku bushake bw’Imana. Urumva rero kuririmba icyubahiro cy’Imana ni ngombwa cyane ”

Fresh Gemmy akomeza avuga ko atagiye guhagarika kuririmba indirimbo zisanzwe azajya azivanga nizo kuramya no guhimbaza Imana.

“Nzajya nzivanga ,cyane cyane Gospel “

Bitewe n’icyorezo cya Coronavirus Fresh Gemmy avuga ko bitamworoheye gukora videwo y’iyi ndirimbo ariko igihe izahagararira nta kabuza ifatwa ry’amashusho rizahita ritangira.

Uyu muhanzi asaba Abanyarwanda bose ndetse n’isi muri rusange kubahiriza amabwiriza yo guhangana na Coronavirus harimo Gukaraba intoki n’amazi meza n’isabune, kwirinda kuramukanya mu biganza, gukora ingendo zitari ngombwa no kuguma mu rugo.

Umva hano ntarindi zina by Fresh Gemmy

Tanga Igitekerezo ukoresheje Facebook

SHARE