Search

Gatsibo : Umugabo afunzwe azira kwica umugore bari bamaze imyaka 2 bakoze ubukwe akabeshya ko yishwe n’amadayimoni

NAWE WATUNGA IMODOKA Y'INZOZI ZAWE, KANDA HANO WIGURIRE IMODOKA ZIHENDUTSE GUHERA KU MAFARANGA IBIHUMBI 100 GUSA

KANDA HANO UREBE VIDEO

Ndahayo Philbert w’imyaka 33 y’amavuko, afungiwe kuri sitasiyo ya Polisi ya Kiramuruzi mu karere ka Gatsibo aho akurikiranyweho icyaha cyo kwica umugore we Uwamaliya Delphine w’imyaka 34, bigakekwa ko yamwishe amunize. Uyu ushinjwa ariko we arabihakana akavuga ko umugore we yishwe n’amadayimoni. Byabereye mu mudugudu wa Akamasine, akagari ka Akabuga, mu murenge wa Kiramuruzi mu karere ka Gatsibo.

Philbert w’imyaka 33 y’amavuko na Delphine Bari bamaze imyaka 2 bakoze ubukwe

Mu ijoro rya tariki 11 Mata 2018, nibwo bikekwa ko Ndahayo Philbert yishe umugore we Uwamaliya Delphine. Uyu mugore ubusanzwe, yari umuforomokazi mu kigo nderabuzima cya Kiramuruzi, akaba yanabaga mu macumbi ari imbere mu kigo nderabuzima, naho umugabo we Ndahayo Philbert akaba yari umwarimu ariko ntibabanaga buri munsi kuko yigishaga kure akaba hafi y’akazi ke.

Umunyamabanga Nshingwabikorwa w’umurenge wa Kiramuruzi, Kavutse Epiphanie, yabwiye ikinyamakuru Ukwezi.com ko yahamagawe n’ubuyobozi bw’ikigo nderabuzima bamubwira ko umukozi wabo apfuye kandi ngo yari yiriwe mu kazi nta kibazo afite. Avuga ko umugabo yatawe muri yombi akekwaho kwiyicira umugore nawe akavuga ko yishwe n’amadayimoni.

CIP Theobald Kanamugire, umuvugizi wa Polisi mu Ntara y’Uburasirazuba, nawe ashimangira iby’aya makuru. yagize ati: “Byabaye ku itariki 11, umugabo afungiye kuri sitasiyo ya Polisi ya Kiramuruzi, umurambo w’umugore twawujyanye kwa muganga ku bitaro bya Kiziguro.

Uko byagenze, umugabo yaratabaje avuga ko ngo atashye agasanga umugore we ameze nabi arimo ataka, ariko dukeka ko ari we waba yaramwishe arimo kujijisha. Umugabo avuga ko umugore we yafashwe n’amagini ariko dukeka ko ari we ushobora kuba yaramwishe.”

Ndahayo Philbert na Uwamaliya Delphine bari bamaze imyaka ibiri bakoze ubukwe, bakaba bari bafite umwana umwe muto.

Comments

comments




Leave a Reply

Your email address will not be published. Required fields are marked *

This site uses Akismet to reduce spam. Learn how your comment data is processed.