Search

Gereza ya Guantanamo ifite amateka akomeye ku Isi , Menya byinshi kuri iyi Gereza /DORE AMAFOTO 10 AGARAGAZA GUANTANAMO.

NAWE WATUNGA IMODOKA Y'INZOZI ZAWE, KANDA HANO WIGURIRE IMODOKA ZIHENDUTSE GUHERA KU MAFARANGA IBIHUMBI 100 GUSA

KANDA HANO UREBE VIDEO

Gereza ya Guantanamo yagize amateka akomeye cyane nyuma y’ibyagendaga biyivugwaho harimo kuba hafungirwa abacyekwaho ibyaha by’iterabwoba ndetse hakanavugwa iyica rubozo rikomeye kumfungwa , ibyo byanatumye imiryango irengera ikiremwa muntu ku isi isaba ko hafungwa ariko nanubu ikaba igihari.

Guantanamo-Bay-AAPHazitiye kuburyo no gusohokamo bitaba byoroshye kandi no hanze haba huzuye abasirikare barinda kino kirwa.

Iyi gereza ibarizwa mu majyepfo y’iburasirazuba bw’igihugu cya Cuba mu ntara ya Guantanamo , n’ikirwa cyamenyekanye kubera iyi gereza , ariko n’ubwo ari muri Cuba , aka kace kari mu maboko ya USA.

Wakwibaza uburyo iyi gereza yabaye iya Leta Zunze Ubumwe z’Amerika kandi iri muri Cuba!!!!

Leta Zunze Ubumwe z’Amerika yakandagiye kuri iki kirwa bwa mbere mu mwaka w’1898 ubwo abasirikare bayo barwanira mu mazi bahakambikaga mu gihe cy’intambara yari ishyamiranyije Leta Zunze Ubumwe z’Amerika- Cuba ndetse na Espagne.

020110-N-6967M-501 Guantanamo Bay, Cuba, Jan. 10, 2002 -- Lance Cpl. Robert Devlin, from 2nd Military Police battalion 2nd Force Service Support Group, displays restraints used for transporting detainees to Camp X-Ray.  Camp X-Ray will be one of the holding facilities for Taliban and Al Qaida detainees.  U.S. Navy photo by PhotographerÕs Mate 1st Class Shane T. McCoy.  (RELEASED)

Nyuma y’imyaka itanu, Perezida wari ku butegetsi bwa Leta Zunze Ubumwe z’Amerika muri icyo gihe ariwe Theodore Roosevelt yasinyanye amasezerano na leta nshya yari igiyeho muri Cuba yo gukodesha iki kirwa ku biceri bya zahabu 2000 ahwanye n’ibihumbi 4085 by’amadolari y’Amerika y’ubu, ku mwaka.

Aya masezerano akaba yarahise aha Leta Zunze Ubumwe z’Amerika uburenganzira bwo gukoresha iki kirwa n’amazi yacyo ku mpamvu gusa z’ibikorwa by’igisirikare kirwanira mu mazi ariko kigakomeza gutegekwa na Cuba.

Gusa mu kiganiro perezida wa Leta Zunze Ubumwe z’Amerika Ronald Reagan yahaye abanyamakuru mu mwaka w’ 1985, yareruye avuga ko Leta Zunze Ubumwe z’Amerika zakodesheje kiriya kirwa ku mpamvu za politike n’ubwo Cuba itabishakaga. Aya masezerano kandi akaba yaratumye Leta Zunze Ubumwe z’Amerika ijya ivanga muri politike y’icyo gihugu.

guantanamo_bay_AP071009163347_fullwidthUtwo nitw twumba tuba turimo imfungwa muri iyi gereza ya Guantanamo.

Mu mwaka w’1959 ubwo abarwaniraga impinduka bayobowe na Fidel Castro bafataga ubutegetsi, Leta Zunze Ubumwe z’Amerika yahise ibuza abasirikare bayo bari I Guantanamo kongera kwinjira ku bundi butaka bwa Cuba. Muri iki gihe umubano w’ibihugu byombi ntiwari umeze neza.

Leta ya Cuba yo ikaba yaravugaga ko yari ikwiye guhita isubirana iki kirwa kuko yavugaga ko Leta Zunze Ubumwe z’Amerika ikoresha iki kirwa mu bikorwa by’ubutasi irwanya Cuba. Kuva uwo mwaka kandi Leta Zunze Ubumwe z’Amerika ikaba yaroherezaga check yo kwishyura ubukode ariko Cuba ikanga kuyakira.

640x392_50143_187015

Mu ijambo Castro yavuze mu mwaka w’1971 yavuze ko ikirwa cya Guantanamo kibereyeho gukoza isoni igihugu cya Cuba, ati “ni nk’icyuma cyo gushegesha icyubahiro n’ubutegetsi bwa Cuba”, yongeyeho ko mu rwego rwa gisirikare iki kirwa nta cyo kimariye Cuba.

Ubusanzwe Castro yakomeje kuvuga ko atemera aya masezerano ngo kuko Leta Zunze Ubumwe z’Amerika yashyize igitutu kuri Leta ya Cuba yariho icyo gihe. Byaje guhumira ku mirari ubwo noneho Leta Zunze Ubumwe z’Amerika zajyaga kuhafungira abakekwaho kuyobora ibitero byasenye iminara ya World trade center muri 2001 ndetse n’intagondwa zafatiwe muri Afuganisitani.

Kubera ingufu za Leta Zunze Ubumwe z’Amerika, mu nama rusange ya ONU yo mu mwaka w’2002 Cuba ikaba yarasabye ko ikirwa cya Guantanamo cyayisubizwa. Iki kibazo cyo gusubizwa Cuba kikaba cyaragoranye cyane kuko mu masezerano uwahoze ari umukuru wa Cuba Batista yagiranye na Leta Zunze Ubumwe z’Amerika yavuga ko yahinduka gusa ari uko impande zombi zemeye kuyahindura cyangwa zikayakuraho burundu.

1035x690-92412761

Perezida wa Leta Zunze Ubumwe z’Amerika Barack Obama ubwo yiyamamazaga akaba yaravugaga ko Gereza ya Guantanamo azayifunga naramuka atorewe kuyobora iki gihugu. Mu mwaka w’2009 akaba yari yategetse ko iyi gereza yafungwa ariko kugeza ubu iryo tegeko ntiryubahirijwe.

Nyuma yo kujya ku butegetsi kwa Barack Obama, kuwa 08 Ukuboza 2010 Inteko Ishinga amategeko ya Amerika yaburijemo ibyari byifujwe nawe ku gufunga iyi gereza. Kuri uyu mwanzuro Abadepite bawuburijemo ahubwo bemeza ko hagenwa ingengo y’imari izagera muri Nzeri 2011 igenewe gukomeza gukoreshwa mu bikorerwa muri iriya gereza byose, icyo gihe akaba aribwo hashobora gufatwa umwanzuro ku ifungwa ryayo.

Uyu mwanzuro ariko nawo ntiwakurikijwe kuko na nyuma ya Nzeri 2011 iyi gereza yakomeje kubaho ndetse bamwe batangira kubona ko na Perezida Obama wari wasabye ifungwa ryayo asa n’uwacitse intege zo kugumya gutsimbarara ku gitekerezo cye.

Guantanamo braces for unrest after Ramadan truceAgatebe ndetse n’imiti bababarisha imfungwa.

N’ubwo ariko bamwe babibonaga gutyo, Perezida Obama yongeye kujya asubira mu magambo (kuwa 11 Nzeri, umunsi wo kwibuka ibitero byibasiye imiturirwa ya Amerika) yivugiye yibutsa ko agomba gufunga iyi gereza ndetse zimwe mu mfungwa ziyifungiyemo zikarekurwa naho abandi bagakurikiranirwa ku butaka bwa Amerika.

Mu kwezi kwa Mutarama 2014 abasirikare bo ku rwego rwa General 31 bari mu kiruhuko cy’izabukuru bandikiye Perezida Obama bamusaba gufunga iriya gereza nta yandi mananiza.

Abu_Ghraib_56Abahafungiwe banarishwa imbwa zinkazi gugeza upfuye cyangwa ukemera ibyo usabwa.

14torture.480Ako niko kanya ushobora kuba wahumekeramo igihe ufungiwe muri Guantanamo.

maxresdefaultImfungwa zo muri Guantanamo zagiye zivugwaho kubabazwa mu buryo bukomeye.

force-feedingBaterwa imiti ibabaza bayinyujije mu mazuru kugahato.

Nyuma y’uko Perezida Obama yongeye kwemeza ko mu mwaka wa 2017 iyi gereza igomba gufunga imiryango yayo, kuwa kane tariki ya 22 Gicurasi 2014 Abadepite ku bwiganze bw’Abarepubulike batoye umwanzuro uburizamo icyi cyemezo cyo gufunga imiryango ya Guantanamo nanubu ikibarizwamo abarenga 154.

Kanda Hano ukomeze udukurikire kuri facebook kanda hano, kuri twitter kanda hano, kuri youtube kanda hano, bizajya bikorohera guhita ubona amakuru yacu muburyo bwihuse.

Emmy Son Bakunda

Comments

comments




3 thoughts on “Gereza ya Guantanamo ifite amateka akomeye ku Isi , Menya byinshi kuri iyi Gereza /DORE AMAFOTO 10 AGARAGAZA GUANTANAMO.

Leave a Reply to charzy Cancel reply

Your email address will not be published. Required fields are marked *

This site uses Akismet to reduce spam. Learn how your comment data is processed.