Gushyigikira Perezida Magufuli byatumye Diamond asabirwa gukurwa kurutonde rw’abahatanira ibihembo bya BET Awards bizatangirwa muri Amerika

TWOZA INTEBE, MATELA N'AMATAPI (Duhamagare cg Utwandikire kuri  0789348058 (Wats app) cg 0784343748 (Call) ============

Abantu barenga 18.000 muri Tanzania bamaze gusinya ku rwandiko(petition) rusaba ko umuririmbyi Diamond Platnumz yakurwa kurutonde rw’abahatanira igihembo gikomeye muri muzika cya BET Awards gitangirwa muri Amerika.

Abashaka ko Diamond akurwa mubahatanira ibi bihembo, baramushinja ko yashigikiye cyane, uwahoze ari Perezida wa Tanzania, John Pombe Magufuli, witabye Imana mu minsi yashize.

Diamond ni umwe mubahanzi bashyigikiye cyane, Magufuli ubwo yiyamamazaga

Diamond ni umwe mubahanzi bamaze kwamamara cyane muri Afurika, ari kurutonde rw’abahanzi bakoze neza ku isi, mu gace kiswe Best International Act mu bihembo bitangwa na televiziyo yo muri Amerika imaze kwamamara mu muziki BET(Black Entertainment Television).

Abasaba ko Diamond akurwa kuri uru rutonde, bavugako uyu muhanzi atabikwiriye kuko ntahantu nahamwe yigeze agaragaza ko ashyigikiye uburenganzira bwa mu muntu, ahubwo bakamushinja gukorana na Perezida Magufuli bita umunyagitugu.

Bakomeza bavugako, uru rutonde Diamond avaho, iki gihembo kigahatanirwa na Davido na Burna Boy bo muri Nigeria kuko ngo bagize uruhare mu kwamagana ihohoterwa ryakorerwaga abaturage muri Nigeria mu myigaragambyo yiswe #EndSARS, aho bashinjaga Polisi ya Nigeria gukoresha ingufu z’umurengera no gukandamiza urubyiruko rwo muri iki gihugu.

Diamond yari inshuti y’akadasohoka ya Magufuli

Ikinyamakuru NairobiNews cyo muri Kenya, kivugako Diamond yari ashyigikiye cyane uwahoze ari Perezida wa Tanzania, John Pombe Magufuli kandi n’imiziki ye yakoreshejwe n’ishyaka CCM riri kubutegetsi mugihe yiyamamazaga umwaka ushize.

Bagira bati “Diamond Platnumz ni umuhanzi uzwi cyane muri Tanzania, azwi cyane ku isi yakoresheje ubuhanga bwe no kumenyekana kwe mukuvugira no guhishira itotezwa ribi cyane ry’uwahoze ari umukuru w’igihugu wayobozaga igitugu, John Magufuli n’ubutegetsi bwe.”

Bakomeza bagira bati “Diamond ni inshuti y’akadasohoka kandi agakorana ubucuruzi na Paul Makonda, wahoze ari umukuru w’umujyi wa Dar-es-Salaam yatoteje ku mugaragaro kandi anahiga bukware abaryamana bahuje ibitsina(LGBTI)”

Perezida Magufuli yitabye Imana mu kwezi kwa Gatatu, hashize iminsi mike atorewe kuyobora Tanzania muri manda ye ya kabiri, yashinjwaga kutubahiriza uburenganzira bwa muntu muri Tanzania, no kubuza ubwisanzure abatavuga rumwe nawe nubwo hari abandi benshi bamushimaga bakamufata nk’intwari ya Tanzania.

Diamond ni umwe mubahanzi bo muri Tanzania bamaze kwamamara cyane muri Afurika no ku isi.

Tanga Igitekerezo ukoresheje Facebook

TURAKWAMAMARIZA Niba uri umucuruzi, umushoramari, Umuhanzi n'abandi bantu bose bifuza kwamamaza, IBYAMAMARE.com turagufasha kwamamaza ibikorwa byawe bigere kubatuye isi yose kuko dusurwa n'abarenga miliyoni 2 buri kwezi, tugukorera inkuru, tukakwamamaza kumbuga nkoranyamba zacu zose harimo facebook, instagram, twiter na Youtube kandi bigakobwa gatatu mu Cyumweru ukwezi kose twamamaza ibyo ukora ndetse dushishikariza abantu kubimenya. DUHAMAGARE cyangwa utwandikire KURI Wats APP: +250 7830 35616 Cg utwandikire kuri Email : ibyamamarenews@gmail.com
SHARE

IGITEKEREZO