Search

Gutsindwa kwa Arsenal byahesheje umukinnyi wa Manchester United guca agahigo muri shampiyona y’abongereza.

IBM Radio Listen Live

KANDA HANO UREBE VIDEO

Umukino wahuje ikipe ya Arsenal yari yakiriyemo ikipe ya Manchester United wasize umukinnyi wa Manchester United aciye agahigo muri shampiyona y’abongereza.

Hari k’umunsi wa 15 wa shampiyona y’abongereza izwi nka English Premier League, aho ibitego byatsinzwe na Antonio Valencia ndetse na Jesse Lingard byaheshaga ikipe ya Manchester United amanota atatu ndetse n’icyizere cyo gukomeza guhatanira na Manchester City igikombe cy Shampiyona.

Uyu mukino waranzwe n’ubuhanga budasanzwe bw’umunyezamu wa Manchester United witwa David De Gea aho yagiye akuramo bimwe mubitego bya Arsenal byari byabazwe.

Antonio Valencia umukinnyi w’ikipe ya MNU watsinze igitego cyambere ku munota wa 4

uyu mukino wasize umunyezamu wa Manchester United aciye agahigo ko kuba ariwe mubanyezamu batatu bambere bakuyemo imipira myinshi yari yabazwe (Ibitego byari byabazwe) aho yakuyemo imipira igera kuri 14 yose.

Uyu munyezamu yahise anganya na  Tim Krul wakiniraga ikipe ya Newcastle ndetse na Vito Mannone wakiniraga ikipe ya Sunderland k’umubare w’ibitego baburijemo nyamara byari byabazwe, aho yabashije gukuramo imipira 14 yose yari yabazwe.

Jesse Lingard umukinnyi wa MNU watsinze igitego cya 2 n’icya 3 ku munota wa 11 na 63

Vito Mannone yakuyemo imipira 14 yari yabazwe k’umukino ikipe ya Sunderland yahuyemo na Chelsea muri mata mumwaka wa 2014, naho Tim Krul nawe akuramo imipira nk’iyi k’umukino wahuje ikipe ya Newcastle United ndetse na Tottenham Hotspurs.

Alexandre Lacazette watsindite Arsenal igitego 1 rukumbi kumunota wa 49

David De Gea ukomoka mugihugu cya Espagne yafashije ikipe y Manchester United kurangiza umukino itsinze ibitego bitatu kuri kimwe n’ubwo umukinnyi wayo witwa Paul Pogba yari yeretswe ikarita itukura nyuma y’ikosa yari amaze gukorera myugariro wa Arsenal witwa Hector Bellerin.

Richard Uwizera@ibyamamare.com

Comments

comments




Leave a Reply

Your email address will not be published. Required fields are marked *