Guverineri w’intara muri Kenya, hashize umunsi umwe gusa akize Coronavirus, yahise afatwa arafungwa

Hashize umunsi umwe gusa bimaze kuvugwa ko yakize coronavirus, Gideon Saburi visi guverineri w’intara ya Kilifi muri Kenya yahise atabwa muri yombi nk’uko polisi ibivuga.

Bwana Saburi araregwa kwanga kwishyira mu kato nk’uko yari yabisabwe ubwo yari avuye mu mahanga.

Gideon Saburi visi guverineri w’intara ya Kilifi muri Kenya yahise atabwa muri yombi

Ku gicamunsi cyo kuri uyu wa gatanu nibwo polisi yagiye ku bitaro biri i Nairobi aho yari ari maze atabwa muri yombi.

Ejo kuwa kane umunyamabanga wa leta ushinzwe ubuzima muri Kenya yari yatangaje ko “yishimiye kumenyesha ko Bwana Saburi yakize neza iyi ndwara”.

Ariko yongeyeho ko Saburi azabazwa n’amategeko ibyo yakoze.

Umwana w’imyaka 6 yishwe na Covid-19
Uyu munsi kuwa gatanu, Mercy Mwangangi umunyamabanga wa leta wungirije ushinzwe ubuzima muri Kenya yatangaje ko habonetse abandi bantu bashya 12 banduye coronavirus.

Ibi byatumye umubare w’abafite iyi ndwara muri Kenya uba 122.

Madamu Mercy yavuze ko mu bo yishe harimo umwana w’imyaka itandatu wari usanzwe ufite ubundi burwayi.

Abamaze kwicwa na coronavirus muri Kenya kugeza ubu ni bane.

Tanga Igitekerezo ukoresheje Facebook

SHARE