Habonetse abarwayi bashya 8 banduye coronavirus, baturutse mu karere ka Rusizi

Minisiteri y’Ubuzima mu Rwanda (MINISANTE) yatangaje ko uyu munsi tariki 07 Kamena 2020 habonetse abarwayi bashya ba COVID-19 umunani, umubare w’abanduye ugera kuri 439 mu gihe abakize ari barindwi.

Iyi minisiteri ivuga ko abarwayi babonetse mu karere ka Rusizi aho bahise bashirwa mu kato ngo bitabweho uko bikwiye.

Kugeza ubu mu Rwanda mu bipimo 76,331 byafasgwe, byagaragaje ko abantu 439 bamaze kwandura COVID-19, abandi 290 bavuwe bagaakira, abapfuye ni babiri. Ibi bivuze ko abakirwaye ari 147.

Kuwa 04 Kamena 2020, uturere twa Rubavu na Rusizi twasubijwe muri #GumaMuRugo bitewe n’umubare w’abanduye COVID-19 bagaragaye mu karere ka Rusizi.

Uyu munsi kandi abantu 30 i Nyanza bashyizwe mu kato kubera umuntu ufite ibimenyetso bya COVID-19 winjiye kwa Haji.

Ibikorwa byinshi mu Rwanda byarasubukuwe ariko abantu basabwa kubahiriza amabwiriza yo kwirinda ikwirakwira rya COVID-19. Abantu bose basabwa kwambara neza agapfukamunwa, gukaraba amazi meza n’isabune no gusiga intera ya metero hagati y’umuntu n’undi.

Tanga Igitekerezo ukoresheje Facebook

SHARE