“Hakenewe umuyoboro wo kugaragaza Impano nshya muri Muzika Nyarwanda”Alicia Saga

Alicia Saga n’umuhanzikazi  ukizamuka ukora injyana ya Hip Hop mu Rwanda mu gihe kingana n’umwaka amaze mu muziki amaze gushyira hanze indirimbo 3 zakorewe muri Capital Record avuga ko hakwiriye kubaho umuyoboro wo gufasha no kwakira impano nshya muri Muzika Nyarwanda.

Uyu mukobwa mw’itangira rya muzika ye amaze gukorana n’abahanzi batandukanye mu rwego rwo guhuza imbaraga ndetse no kumenyekanisha izina rye barimo GANZA bakoranye indirimbo yitwa “Mbyiyumvamo” ndetse na EASAM baheruka gukorana iyo bise “Dutwike” indirimbo yashimangiye ko iyi mpano nshya isigasiwe yagera kure muri muzika Nyarwanda.

Gukorana n’abahanzi bamutanze mu muziki yizera ko hari icyo bizamufasha kuko hari na byinshi abigiraho

Uyu mukobwa ukomoka mu karere ka Karongi aganira na IBYAMAMARE.COM yatangaje ko hagakwiriye kubaho umuyoboro ufasha impano nshya kwigaragaza kuko bigoye kumenyekana mu Rwanda ari nayo mpamvu akenshi usanga amazina amwe amara imyaka n’imyaka ukagira ngo mu muziki nta bahanzi bashya bavuka.

Biragoye cyane mu Rwanda kuzamuka,bisaba imbaraga nyinshi kuko usanga hari amazina amwe ahoraho wagira ngo nizo mpano Urwanda rufite gusa,ku bwanjye hakwiriye umuyoboro ufasha impano nshya kwigaragaza atari ibyo abantu bagira ngo mu Rwanda nta bahanzi bashya bavuka bahora bumva abantu bamwe dukeneye ayo mahirwe natwe tukigaragariza Abanyarwanda” Alicia Saga

Alicia Saga umukobwa w’umuhanga mu njyana ya Hip Hop

 

Uyu mukobwa mukwerekana ko mu Rwanda hari impano nshya zikwiriye gufashwa yihereyeho anatanga urugero ku Banyarwanda bagaragaye mw’irushanwa rya East Africa Got Talent ko bakwiriye kubera isomo abamenyekanisha Abanyempano

Nkanjye s’ukwitaka ibyo nkora ndabizi kandi ndabishoboye,nkeneye ko bigera kure mbifashijwemo n’abafasha abandi bamamaye,urugero rwa hafi mwabonye bariya Banyarwanda bitabiriye EA Got Talent berekanye ko bashoboye kandi abenshi ntitwari tubazi,impano zirahari ahubwo zifashwe hatitawe ngo n’uko tuziranye n’ibindi duhabwe amahirwe twese  ” Alicia Saga

Uyu mukobwa Alicia Saga n’impano yavumbuwe na Pacifique Bananeza benshi bazi nka Ban P akaba ariwe areberera inyungu ze za Muzika akaba ari nawe wafashe iyambere mu gukoreshereza indirimbo uyu mukobwa kubera ubuhanga yamubonyemo Ban P akaba ari no mu biganiro byo gukora nk’Umujyanama w’umuraperi  Fireman.

Kur’ubu Alicia Saga akaba n’umwe mu bahanzikazi bari guhatanira ibihembo bya KIVU AWARDS mu ntara y’Uburengerazuba aho ari guhatana mu cyiciro cy’umuhanzikazi witwaye neza(Best Female Artist) mu mwaka wa 2019 ibihembo bigiye gutangwa ku nshuro ya mbere.

Dutwike by Alcia Saga ft Easam yumve hano

 

Tanga Igitekerezo ukoresheje Facebook

SHARE