Hamuritswe ihuriro ry’abanyamakuru bakora imyidagaduro mu Rwanda hahembwa abagize uruhare mukuzamura imyidagaduro(Amafoto)

Ni umunsi wari utegerejwe na benshi by’umwihariko abakunzi b’imyidagaduro mu Rwanda byarageragejwe kenshi, biranga bikicwa no kudashyira hamwe, uyu munsi birasa nibyashobotse, abanyamakuru barenga mirongo bahagaze imbere y’abakunzi b’imyidagaduro, mu ihema rinini riri muri Camp Kigali maze bemezako bunze ubumwe ndetse bafite ubushake bwo kuzamura igisata cy’imyidagaduro mu Rwanda.

Ku mugoroba wo kuri uyu wa Gatanu taliki ya 6 Ukuboza 2019, ni umunsi utazibagirana mu mateka y’uruganda rw’abakora imyidagaduro mu Rwanda, bwa mbere mu Rwanda nibwo hamuritswe ihuriro ry’abanyamakuru bakora imyidagaduro mu Rwanda bise “Rwanda Showbiz Journalists Forum”(RSJF)

Ni igitaramo cyabereye mu mujyi wa Kigali, muri Kigali Conference and Exhibition Village (KCEV) haririmbyemo abahanzi nka P-Fla, Lucky Koko, Victor Rukotana, Sendeli, Riderman, Alyn Sano, Ruti Joel, Bruce Melodie na Tom Close wacyitabiriye nk’umuhanzi mukuru wagombaga no kukiyobora.

abagize ihuriro “Rwanda Showbiz Journalists Forum”(RSJF) bahagaze imbere bagaragaza ko bashyigikiye ubufatanye bwo guteza imbere imyidagaduro mu Rwanda

Uretse abahanzi, iki gitaramo cyari cyatumiwemo nabandi bantu bafite aho bahuriye n’imyidagaduro mu Rwanda, harimo abakinnyi ba cinema, abafasha abahanzi, abatunganya indirimbo n’abandi.

Ntirenganya Gentil Gedeon umunyamakuru ukorera  Kt Radio, niwe wavuze mu mwanya w’abanyamakuru, yavuze uburyo iri huriro ryatangiye ndetse ashimira n’ababigizemo uruhare kugirango ribeho nubwo bitari byoroshye.

Gentil Gedeo wasobanuraga iby’iri huriro

Gedeo yavuzeko hari amahuriro menshi asa niri yagiye avuka hano mu Rwanda ariko ntabashe kubaho kubera kudashyirahamwe, yijeje abakunzi b’imyidagaduro mu Rwanda ko hari impinduka zigiye kubaho mu myidagaduro yo mu Rwanda kuko abo barikumwe ubu bunze ubumwe.

Tom Close yishimiye ubufatanye bw’abanyamakuru bakora imyidagaduro mu Rwanda

Uretse kumurika no kugaragaza intego z’abagize iri huriro ry’abanyamakuru hanatanzwe amashimwe kubantu bagize uruhare mu iterambere ry’imyidagaduro mu Rwanda.

Senderi yahawe ishimwe nk’umuhanzi, ubimazemo igihe kandi akaba atarigeze acika intege, Tom Close yahawe ishimwe nk’umuhanzi wabaye impirimbanyi y’uruganda rw’imyidagaduro mu Rwanda, Mushyoma Joseph abenshi bazi nka Boubou yahawe ishimwe nk’uwahaye agaciro umuziki Nyarwanda ndetse akanawumenyekanisha, Tidjara Kabendera yahawe ishimwe nk’umunyamakuru mwiza waharaniye iterambere rya muzika, Alex Muyoboke nawe yahawe ishimwe nk’inararibonye imaze imyaka myinshi mu muziki kandi afasha abahanzi Nyarwanda.

Mushyoma Joseph yahawe ishimwe
Senderi yashimiwe
Muyoboke Alex yahawe ishimwe
Bruce Melodie yanyuze abitabiriye iki gitaramo
Umuraperi P-Fla
Umuhanzi Victor Rukotana

Tanga Igitekerezo ukoresheje Facebook

SHARE