Harabura iminsi mbarwa ngo Danny Vumbi amurike album yise ‘Inkuru Nziza’ arashimira abakomeje kumushyigikira barimo Musanze Caves Hotel

Kuri uyu wa Gatanu tariki ya 17 Nyakanga 2020 nibwo Danny Vumbi azakora igitaramo cyo kumurika album ye ya Gatatu yise Inkuru Nziza.

Iyi album igizwe n’indirimbo 12, yatangiye no kugurishwa kubashaka kuyumva mbere y’abandi aho basabwa kwishyura ibihumbi 100 by’amafaranga y’u Rwanda.

Igitaramo cyo kuyimurika kizabera ku mbuga nkoranyambaga kubera icyorezo cya Coronavirus cyugarije Isi muri ibi bihe. Kikazanyuzwa kuri Channel ya Youtube yitwa MK1, Genesis TV ndetse na Isibo TV guhera saa tatu z’ijoro.

Kuri ubu uyu muhanzi n’ubuyobozi bwa label abarizwamo ya KIKAC Music babwiye IBYAMAMARE.Com ko imyiteguro iri kugenda neza ndetse igana no ku musozo. Bakaba bifuje gushimira abaterankunga batandukanye bakomeje kubafasha kugirango iki gitaramo kizagende neza.

Uhujimfura Claude umuyobozi muri KIKAC Music, yagize ati ‘Turashimira Musanze Caves Hotel yo mu majyaruguru mu mujyi wa Musanze, Genesis Tv , Isibo Tv, MK1 TV, Neptunez Band izabafasha gukora igitaramo kinogeye ijisho mu buryo bwa Live ndetse n’ibinyamakuru bitandukanye bikomeje kubafasha mu kwamamaza iki gikorwa.

Muri iki gitaramo Danny Vumbi azafashwa n’abandi bahanzi b’ibyamamare nka Mico The Best babana muri Kikac, Bruce Melodie, Fireman, Uncle Austin, Marina ndetse n’itsinda rya Neptunez Band.

 

Tanga Igitekerezo ukoresheje Facebook

SHARE