Haruna Niyonzima yashyizwe kurutonde rumwe na Samuel Eto’o mu bakinnyi bakiniye ibihugu byabo imikino irenga 100.

TWOZA INTEBE, MATELA N'AMATAPI (Duhamagare cg Utwandikire kuri  0789348058 (Wats app) cg 0784343748 (Call) ============

Guhamagarwa mu ikipe y’igihugu ni kimwe, no kuba wayikinira ni ikindi. Si buri mukinnyi ugira amahirwe yo kuba yakinira igihugu cye imikino igera ku ijana, Haruna Niyonzima akaba ari ku rutonde rw’abakinnyi bamaze gukinira ibihugu byabo imikino irenga 100.

Ni abakinnyi benshi ku Isi bagejeje iyi mikino mu bihugu byabo, ariko muri iyi nkuru tugiye kurebera hamwe abakinnyi 27 muri Afurika bakiniye ibihugu byabo imikino myinshi aho Haruna Niyonzima amaze gukinira Amavubi imikino 108, ni urutonde ruriho na Samuel Eto’o Fils.

Harun Niyonzima

Ahmed Hassan – Misiri

Ni umukinnyi w’umunya –Misiri wakinaga inyuma y’umwataka. Yahamagawe bwa mbere tariki ya 29 Ukuboza 1995, icyo gihe yari afite imyaka 16. Aheruka guhamagarwa 22 Gicurasi 2012. Yakiniye ikipe y’igihugu imikino 184 ayitsindira ibitego 33.

Hossam Hassan – Misiri

Yakinaga nka rutahizamu, bwa mbere ahamagarwa hari tariki ya 10 Nzeri 1986 ku myaka 20 y’amavuko, bwa nyuma ahamagarwa byari tariki ya 7 Gashyantare 2006, yakiniye ikipe y’igihugu cye imikino 176 ayitsindira ibitego 68.

Young Chimodzi – Malawi

Yari myugariro, yahamagawe bwa mbere mu ikipe y’igihugu ya Maliwi ku myaka 18 hari tariki ya 25 Kanama 1979, umukino wa nyuma yakiniye Malawi hari ku wa 16 Nyakanga 1995. Yakinnye imikino 159 ayitsindira ibitego 13.

Ahmed Fathi Abdelmonem – Misiri

Uyu ni myugariro wo ku ruhande rw’iburyo akaba agikina n’umupira w’amaguru, akinira ikipe ya Pyramids y’iwabo mu Misiri. Umukino wa mbere yakiniye ikipe y’igihugu ya Misiri hari tariki 16 Ukuboza 2002, yari afite imyaka 18. Kugeza tariki ya 8 Ukwakira 2021 ubwo aheruka guhamagarwa, amaze gukina imikino 134 aho yayitsindiye ibitego 3.

Jack Chamangwana – Malawi

Jack Chamangwana yari myugariro wa Malawi yitabye Imana 2018. Yahamagawe bwa mbere tariki ya 10 Nyakanga 1975 afite imyaka 18, bwa nyuma yakiniye igihugu cye byari tariki ya 16 Mata 1985, yakinnye imikino 133 ayitsindira ibitego 10.

Ibrahim Hassan- Misiri

Ibrahim Hasaan, yari myugariro wo ku ruahande rw’iburyo. Bwa mbere ahamagarwa byari tariki ya 3 Gashyantare 1988 afite imyaka 22, umukino wa nyuma yawukinnye tariki ya 6 Mutarama 2002. Muri rusange yakiniye Misiri imikino 131 ayitsindira ibitego 14.

Lawrence Waya – Malawi
Yahamagawe bwa mbere tariki ya 6 Nyakanga 1982 afite imyaak 18, umukino wa nyuma yawukinnye tariki ya 10 Nyakanga 1996. Muri rusange yakinnye imikino 129 atsindira Malawi ibitego 28.

Harry Waya – Malawi

Yakiniye Malawi imikino 126 kuva muri Werurwe 1977 kugeza Nzeri 1987 ubwo yakinaga umukino we wa nyuma.

Hany Ramzy – Misiri

Yakinaga nka myugariro, yahamagawe bwa mbere mu Gushyingo 1988 afite imyaka 19. Bwa nyuma yahamagawe muri Gashyantare 2003. Yakiniye Misiri imikino 124 ayitsindira ibitego 3.

Didier Zokora – Cote d’Ivoire

Yakinaga mu kibuga hagati, bwa mbere yahamagawe muri Mata 2000 afite imyaka 20, yasoje gukinira Cote d’Ivoire muri Kamena 2014 amaze gukina imikino 123, akaba yarayitsindiye igitego 1.

Kennedy Mweene – Zambia

Ni umunyezamu ubu akinira Mamelodi Sundown muri Afurika y’Epfo, bwa mbere yahamagawe muri Gicurasi 2004 afite imyaka 20, aheruka guhamagarwa mu ikipe y’igihugu ya Zambia muri Nyakanga 2021 amaze kuyikinira imikino 122, akaba yarayitsindiye ibitego 2.

Kolo Toure – Cote d’Ivoire

Yakinaga mu mu mutima w’ubwugarizi, bwa mbere yahamagawe muri Nyakanga 2000 afite imyaka 20, yasoje gukinira Cote d’Ivoire muri Gashyantare 2015 amaze gukina imikino 120, akaba yarayitsindiye igitego 7.

Samuel Eto’o Fils – Cameroun

Yari rutahizamu, bwa mbere yahamagawe muri Werurwe 1997 afite imyaka 16, yasoje gukinira Cameroun muri Kamena 2014 amaze gukina imikino 118, akaba yarayitsindiye ibitego 56.

Geremi Sorele Njitap Fotso – Cameroun

Yari myugariro, bwa mbere yahamagawe mu Kwakira 1996 afite imyaka 18, yasoje gukinira Cameroun muri Kamena 2010 yari amaze kuyikinira imikino 118, akaba yarayitsindiye ibitego 13.

Kinnah Phiri – Malawi

Yari rutahizamu, bwa mbere yahamagawe muri Nyakanga 1973 afite imyaka 19, yasoje gukinira Malawi mu Gushyingo 1981 yari amaze kuyikinira imikino 117, akaba yarayitsindiye ibitego 71.

David Chabala – Zambia

Yari umunyezamu yitabye Imana mu 1993. Bwa mbere yahamagawe muri Mata 1983 afite imyaka 23, yasoje gukinira Zambia muri Mata 1993, yari amaze kuyikinira imikino 115.

Wael Gomaa- Misiri

Yari mugariro, yahamagawe bwa mbere muri Mata 2001, yasoje gukinira Misiri mu Kwakira 2013. Yari amaze kuyikinira imikino 114, akaba yarayitsindiye igitego 1.
Didier Ovono – Gabon

Yari umunyezamu, bwa mbere yahamagawe muri Werurwe 2003 afite imyaka 20, yasoje gukinira Gabon muri Werurwe 2019 yari amaze kuyikinira imikino 114.

Gilbert Chirwa – Malawi

Gilbert Chirwa bwa mbere yahamagawe muri Kamena 1981, yasoje gukinira Malawi muri Nyakanga 1993, yari amaze kuyikinira imikino 112.

Ahmed El –Kass – Misiri

Yari rutahizamu, bwa mbere yahamagawe muri Mata 1987 afite imyaka 22, yasoje gukinira Misiri muri Mata 1997 yari amaze kuyikinira imikino 112, akaba yarayitsindiye ibitego 25.

Abdel-Zaher El-Saqqa –Misiri

Yari myugariro, bwa mbere yahamagawe muri Kamena 1997 afite imyaka 23, yasoje gukinira Misiri muri Mutarama 2010, yari amaze kuyikinira imikino 112, akaba yarayitsindiye ibitego 4.

Godfrey Chitalu – Zambia

Yari rutahizamu yitabye Imana mu 1993, bwa mbere yahamagawe muri Kamena 1968 afite imyaka 21, yasoje gukinira Zambia mu Kuboza 1980, yari amaze kuyikinira imikino 111, akaba yarayitsindiye ibitego 79.

Francois Amegasse – Gabon

Yari myugariro, bwa mbere yahamagawe mu Gushyingo 1984 afite imyaka 19, yasoje gukinira Gabon muri Mutarama 2000, yari amaze kuyikinira imikino 110, akaba yarayitsindiye ibitego 9.

Janathan Billie – Malawi

Bwa mbere yahamagawe muri Mutarama 1978 afite imyaka 19, yasoje gukinira Malawi muri Kamena 1987 yari amaze kuyikinira imikino 110.

Rabie Yassin – Misiri

Yari myugariro wo ku ruhande rw’ibumoso, bwa mbere yahamagawe mu Kwakira 1982 afite imyaka 22, yasoje gukinira Misiri mu Kuboza 1991, yari amaze kuyikinira imikino 109, akaba yarayitsindiye igitego 1.

Haruna Niyonzima – Rwanda

Ni kapiteni w’ikipe y’igiugu y’u Rwanda Amavubi, ubusanzwe akinira AS Kigali. Yahamagawe bwa mbere mu Gushyingo 2006 u Rwanda rugiye gukina CECAFA yabereye muri Ethiopia. Kuva icyo gihe kugeza uyu munsi amaze gukinira Amavubi imikino 108 (hakiyongeraho 4 u Rwanda rwakinnye na Zanzibar bikaba 112, ariko ntabwo Zanzibar ibarwa nk’igihugu iyo bigeze mu marushanwa mpuzamahanga kuko yivanga na Tanzania). Muri iyo mikino yose amaze gutsinda ibitego 6.

Joseph Musonda – Zambia

Yakinaga nka myugariro, bwa mbere yahamagawe muri Nyakanga 2002 yasoje gukinira Zambia muri Kamena 2014 yari amaze kuyikinira imikino 108. Nta gitego yayitsindiye.

Tanga Igitekerezo ukoresheje Facebook

TURAKWAMAMARIZA Niba uri umucuruzi, umushoramari, Umuhanzi n'abandi bantu bose bifuza kwamamaza, IBYAMAMARE.com turagufasha kwamamaza ibikorwa byawe bigere kubatuye isi yose kuko dusurwa n'abarenga miliyoni 2 buri kwezi, tugukorera inkuru, tukakwamamaza kumbuga nkoranyamba zacu zose harimo facebook, instagram, twiter na Youtube kandi bigakobwa gatatu mu Cyumweru ukwezi kose twamamaza ibyo ukora ndetse dushishikariza abantu kubimenya. DUHAMAGARE cyangwa utwandikire KURI Wats APP: +250 7830 35616 Cg utwandikire kuri Email : ibyamamarenews@gmail.com
SHARE

IGITEKEREZO