Search

Hatangiye imyiyereko y’abakobwa bahatanira ikamba ryufite ikibuno cyiza (Amafoto)

IBM Radio Listen Live

KANDA HANO UREBE VIDEO

Kuri uyu wa mbere tariki ya 7 Kanama 2017 nibwo abakobwa 27 bariguhatanira ikamba ry’ufite ikibuno giteye amabengaza kurusha abandi muri Brazil, berekanywe ndetse banatangira imyiyereko mu mihanda yo mu Mujyi wa Sao Paulo.

Abakobwa 27 nibo bahatanira ikamba ry’ufite ikibona cyiza muri 2017.

Iri rushanwa ryo gutoranya umukobwa ufite ikibuno cyiza kurusha abandi rizwi nka Miss Bum Bum, rimaze kumenyerwa muri Brazil doreko muri uyu mwaka rizaba riba ku nshuro yaryo ya 7.

Abakobwa 27 bariguhatanira irikamba batangiye bazenguruka mu mihanda yo mu mujyi wa Sao Paulo, ari nako basaba abakunzi babo ko batangira kubatora kugirango bazagire amahirwe yo gukomeza mu cyiciro kizakurikira, kizasigaramo abakobwa 15 gusa.

Kugira ngo umukobwa yinjire muri iri rushanwa, mu by’ingenzi bapima ikibuno cye, abahatana bagomba kuba bafite ibibuno bitarengeje cm 107 z’umuzenguruko.

Uzegukana iri rushanwa ry’uyu mwaka azamenyekana mu kwezi kw’Ugushyingo, akazahembwa amadorali y’Amerika 22,000 n’ibindi bitandukanye harimo n’amakontaro atandukanye yo kwamamaza.

Aba bakobwa batangiye imyiyereko mu mujyi wa Sao Paulo.

Uwitwa  Erika Canela wari uhagarariye Leta ya Bahia, niwe wegukanye iri rushanwa mu mwaka ushize wa 2016, ahembwa amayero 18,000. Nyuma uyu mukobwa yaje kwishushanyaho tattoo y’ifoto ya Donald Trump kugira ngo ajye ahora yibuka ikamba yahawe mu gihe uyu mugabo na we yatsindiye kuyobora Amerika.

Iri rushanwa riamze kumenyekana cyane ku Isi, riri muyitabirwa cyane muri Brazil, mu mwaka ushize abagera kuri miliyoni 17 bitabiriye gutora aba bakobwa bakoresheje telephone.

Kwinjira mu birori byo gutoranya umukobwa wahize abandi mu kugira ikibuno cyiza biba bihenze cyane kuburyo hinjirwa nabifite.

Umwihariko w’uyu mwaka muri iri rushanwa nuko hajemo n’umukobwa ubana n’ubumuga, niwe wari uyoboye abandi muri iyi myiyereko.

 

 

Ivan Heritier

Comments

comments




Leave a Reply

Your email address will not be published. Required fields are marked *