Hatowe abakobwa 15 bazajya mu mwiherero wa Miss Supranational Rwanda (Amafoto)

Mu ijoro ryo kuri uyu wa Gatandatu tariki ya 31 Kanama 2019 nibwo habaye ibirori byo gutoranya abakobwa 15 bagomba gukomeza mu cyiciro cy’umwiherero ‘Boot Camp’ mu irushanwa ryo gushakisha uzegukana ikamba rya Miss Supranational Rwanda.

Muri ibi birori byabereye Chillax Lounge Nyarutarama, mu bakobwa 20 bahatanaga muri iri rushanwa ijonjora ryasize batanu basezerewe abandi 15 babasha kubona itike ibajyana mu mwiherero.

Aba bakobwa bose babanje kunyura imbere y’akanama nkemurampaka kari kagizwe na Dan Kwizera uyobora Uno Fashion Agency, Christella Mucyo uri mu bategura iki gikorwa, Sunday Justin na Simbi Sabrina witabiriye iri rushanwa mu 2012.

Aba bari bagize akanama nkemurampaka babajije buri mukobwa inzozi ze, icyo atekereza ku cyakorwa mu guhangana n’inda ziterwa abangavu, uwo ari we n’ibindi byatumaga agaragaza ubuhanga bwe mu kuvuga ashize amanga.

Abakobwa batanu bari bafite amajwi menshi mu itora ryo kuri SMS bo bahise bakomeza mu gihe abandi 10 bari basigaye batoranyijwe hagendewe ku buryo bitwaye imbere y’akanama nkemurampaka.

Umwiherero w’iri rushanwa uzatangira ku wa 03 Nzeri kugeza ku wa 8 Nzeri 2019 kuri La Palisse Nyandungu.

Ku wa 06 Nzeri hazabaho ijoro ryo kwerekana impano mu gihe ku wa 08 Nzeri hazabaho igikorwa cyo gutoranya umukobwa uhiga abandi, akazaserukira u Rwanda muri Miss Supranational muri Pologne.

Kwinjira mu muhango nyir’izina wo gutanga ikamba rya Miss Supranational bizaba ari 10,000 Frw mu myanya isanzwe. Mu myanya y’icyubahiro (VIP) ni 15,000 Frw. Ni mu gihe ameza y’abantu umunani azaba ari 150,000 Frw.

Abakobwa bakomeje ni :
Umulisa Divine (No 2)
Umufite Anipha (No 3)
Neima Nina (No 5)
Umwali Bella ( No 6)
Uwababyeyi Rosine (No 7)
Magambo Yvette (No 9)
Gihozo Alda (No 10)
Umwari Sandrine (No 11)
Igiraneza Ndekwe Paulette (No 12)
Mutoni Queen Peace (No 13)
Uwase Aisha (No 14)
Umuhoza Karen (No 15)
Umutoniwase Anastasie (No 17)
Umunyana Shanitah (No 18)
Umukundwa Clemence ( No 19)

Abakobwa batanu bakomeje bagize amajwi menshi mu itora ryo kuri SMS.
Abari bagize akanama nkemurampaka.
Umunyana Shanita ari mu bakobwa bagiye mu mwiherero.
Umukundwa Clemence nawe yakomeje.
Umutoniwase Anastasie nawe yakomeje.

 

 

Tanga Igitekerezo ukoresheje Facebook

SHARE