Henriette Make-Up artist umuhanga mu gusiga abakobwa ibirungo by’ubwiza (Amafoto)

Ufitese Henriette umukobwa ukiri muto ufite ubuhanga mu mwuga wo gusiga bagenzi be ibirungo by’ubwiza, arishimira intambwe amaze kugeraho. Intumbero ye nukwinjira no muri cinema akajya akora make-up ku bagiye kugaragara muri filime zitandukanye kandi bijyanye nibyo basabwa gukina.

Uyu mukobwa washinze kompanyi yitwa Henriette Make-Up artist, ubusanzwe akora ibizwi nka Make-Up (gusiga ibirungo by’ubwiza) ku bakobwa n’abagore batandukanye baba abafite ubukwe n’ibindi birori bitandukanye ndetse n’abifuza kujya mu mirimo basa neza.

Aganira na IBYAMAMARE.Com, Henriette yatubwiye ko amaze imyaka irenga itatu muri uyu mwuga ndetse yishimira n’intambwe amaze kugeraho.

Yagize ati “Gukora Make-Up nabitangiye muri 2016, numvaga mbikunda cyane nyuma nza kujya mu ishuri mbyiga umwaka n’igice mpita nkomerezaho kubikora. Ngeze ku rwego rwiza kandi nishimira kuko abakiriya nkoreye baranshima ndetse bakanagaruka, nkaba nifuza gukomeza kurushaho gukora cyane ndetse no kwagura ibikorwa”.

Uretse gukorera Make-Up abantu ku giti cyabo, Henriette agiye no kwinjira muri cinema akajya abikorera n’abakinnyi bijyanye n’uko bagiye kugaragara muri filime dore ko ari kimwe mubyo cinema Nyarwanda ikennyeho.

Ati “Murabizi kwiga ntabwo bijya birangira ubu nakomeje kwiga uko bakora make-up zikenerwa mu ma filime, mu minsi irimbere ndaba ninjiye no muri cinema Nyarwanda mu rwego rwo gukomeza kwagura ibikorwa bya company yanjye”.

Henriette Make-Up artist akorera mu mujyi rwagati ahateganye na T2000 mu gikari cyahahoze Fantastic, umushaka wahamagara no kuri telefone: 0788709004.

Ufitese Henriette iyoari mu kazi.

 

Tanga Igitekerezo ukoresheje Facebook

SHARE