Herekanywe abakinnyi batanu bazahagarari u Rwanda muri Tour Du Rwanda 2020

Mu  gihe habura iminsi ibarirwa ku ntoki ngo hatangire irushanwa rya Tour du Rwanda 2020, Ishyirihamwe ry’umukino wo gusiganwa ku magare ‘FERWACY’ ryerekanye abakinnyi batanu bazaba bagize Team Rwanda ndetse n’imyambaro bazaserukana.

Umuhango wo kwerekana aba bakinnyi bagize Team Rwanda byabaye kuri uyu wa mbere tariki ya 17 Gashyantare 2020 ku cyicaro cya Ferwacy.

Team Rwanda izaba igizwe n’abakinnyi batanu barimo batatu begukanye Tour du Rwanda mu myaka ishize ari bo Mugisha Samuel ari nawe uzaba ayoboye bagenzi be nka kapiteni, Areruya Joseph ndetse na Nsegimana Jean Bosco, hakaza kandi na Jean Claude Uwizeye na Gahemba Bernabe (murumuna wa Areruya Joseph).

Tour du Rwanda izaba ikinwa ku nshuro ya 12 kuva mu 2009 ubwo yagirwaga mpuzamahanga, izitabirwa n’amakipe 16 atandukanye.

U Rwanda rukazaba rufitemo amakipe atatu harimo ikipe y’igihugu Team Rwanda, Benediction Ignite, ndetse na SACA (Skol Adrien Cycling Academy).

Biteganyjwe ko iri rushanwa rizatangira ku Cyumweru tariki ya 23 Gashyantare 2020 risozwe kuya 1 Werurwe 2020.

Abakinnyi batanu bazaba bagize Team Rwanda mu isiganwa rya Tour du Rwanda 2020.
Mugisha Samuel niwe uzaba ayoboye bagenzi be nka kapiteni.
Perezida wa FERWACY, Murenzi Abdallah amurikira itangazamakuru aba bakinnyi.
Umutoza wa Team Rwanda, Magnell Sterling

 

 

Tanga Igitekerezo ukoresheje Facebook

SHARE