Hip Hop y’umwimerere,ubutumwa bukakaye mu ndirimbo “Akarwa” ya Gsb Kiloz . Yumve

Hip Hop injyana y’umujinya,injyana yoza roho,injyana igarurira icyizere abihebye, injyana bamwe mu rubyiruko bahamya ko ibarinda umunabi ikabaha icyizere cy’ejo hazaza,injyana yagura inganzo y’abahanzi bayikora icyesha Umutima w’abihebeye.

Abinyujije mu mikarago ikubiye mu ndirimbo yise ‘Akarwa‘  yakoranye n’umuhanzi witwa Holly Fab. mu minota  3′ n’amasegonda 18″ umuraperi Iraguha Lando Fils uzwi mu muziki nka Gsb Kiloz yagarutse ku buzima bw’inzitane bwa buri munsi aha gasopo abumva ko hari aho bageze bumva bakandamiza abagishakisha gutera imbere abinyujije mu njyana ya Hip Hop ahamya ko ariwo mwuka ahumeka yaberetse ko hari umurongo badakwiriye kurenga .

Umuraperi Gsb Kiloz uririmba ubutumwa bukakaye mu njyana ya Hip Hop

Mw’ijwi rikakaye ati : “Bufiyah na Bauckey, Hustler na Zonky, Uko navutse uko nakuze byose ni ubugenge, Iyi mihanda iyo utagoswe igusigira ubwenge, Abatayoka bitiranya isiha n’ifuku, Ni nabo bakeka ko gukena ari ingeso, Oya, ni nde wanze kwaka? yavuga ijambo rikubahwa mpaka ikantarange, Imbwa irya umwanda ishinyitse ntabwo burya iba isetse, Kandi kwicaza umugongo si uko itazi ikibuno.”

Akomeza agira ati : “Nibyo naje ku karwa gatatse umwijima gusa ikosi ry’umusirikare rimuha amapeti, Okay, Hagowe uzasuzugura agasima ataziye ubura, Ushatse wakubaha buri umwe ubona yitunze, kurusha umeze neza utunzwe no gusaba inkunga.”

Mu nyikirizo y’iyi ndirimbo irimo ubutumwa bukurugutura benshi umuhanzi Holly Fab agira ati: “inigeze mpitamo aho mvukira, Nisanze ku karwa k’umwijima have wincira urubanza, Bucya bucyana ayandi, Akarwa k’umwijima nisanze ku karwa k’umwijima.”

Holly Fab waririmbye inyikirizo y’indirimbo AKARWA

Uyu muraperi Gsb Kiloz uri mubatanga icyizere muri iyi njyana mu gice cya kabiri hari aho agaruka ku magambo asa n’uwo acyurira aho agira ati :

“Hari ukurusha ubucyene ukamurusha ubujiji mwese muba muri weak uburyo bwo buri imbere nibyo muri ghetho aba baby n’ubu beer nibyo biri kubongoza mugacyeka ko isi muyifitemo share,Nyir’abarihima yamennye urwabya kandi rwari kumubyarira amavuta n’amata” aha ntakabuza yacyuriraga umwe mu banyamakuru baheruka kugirana amakimbirane ashingiye ku mushinga w’indirimbo.

Gsb Kiloz mu magambo ye avuga ko ari mumuziki ashikamye ko atawinjiyemo kubw’amaramuko ko isaha ye n’igera abafunze amatwi bazamanika amaboko maze nawe umufuka ukuzura impiya abicyesheje ubutumwa atanga mu mikarago anyuza mu bihangano bye

“Igihe cyanjye n’ikigera rubanda bazamenya, ba bantu duha ubutumwa bazaduha impiya,ubu ntiturajwe ishinga n’ifaranga turi gutanga ubutumwa buzabyara umusaruro. uyu muziki tuwurimo dushikamye ni nayo mpamvu abacsantege tubaha gasopo kuko tutari abavubuka”

Umva hano Akarwa by Gsb Kiloz ft Holly Fab

 

 

 

 

Tanga Igitekerezo ukoresheje Facebook

SHARE