Humble Jizzo ntariyumvisha uburyo Safi Madiba bahoranye muri Urban Boyz, yatandukanye n’umugore bamaranye imyaka Itatu

Manzi James wamenyekanye mu itsinda rya Urban Boyz nka Humble Jizzo, yatangajeko atabyiyumvisha niba koko Safi yatandukanye n’umugore we bari bamaze imyaka itatu basezeranye kubana akaramata.

Niyibokora Safi wahoze mu itsinda rya Urban Boyz, niwe ubwe witangarije ko yatandukanye n’umugore we, Niyonizera Judith bakoze ubukwe Tariki 1 Ukwakira 2017 mu biganiro yahaye itangazamakuru ryo mu Rwanda, uyu mugabo yemejeko amaze amezi agera kuri 5 atabana n’umugore.

Humble na Safi

Humble Jizzo wahoze mu itsinda rimwe na Safi, arasa n’uwatunguwe n’iyi nkuru ahamyako ativumvisha niba koko Safi yatandukanye n’umugore we, wamuhesheje ibyangombwa bitumye uyu muhanzi kuri ubu ari muri Canada.

Humble Jizzo yifashishije ifoto ya Safi na Judith  bakoze ubukwe yanditse agira ati “Sindabyiyumvisha pe!”

Mubitekerezo birenga 200 byashyizwe kuri iyi foto, wabonaga abenshi batishimiye amagambo yanditswe na Humble Jizzo, bagaragaza ko asa nuwashatse gukina Safi kumubyimba

Safi Madiba mu itsinda rya Urban boys akaza kuryivanamo ubu akaba asigaye akora ku giti cye, yatangaje ko yatandukanye na Niyonizera Judith

Uwitwa wizodamas yagize ati Bibaho mubuzima ikindi agahwa kari kuwundi karahandurika ntabirenze

Uwitwa neema_the_finegirl nawe yagize “Pole sana nshuti iyo nyirubwite yabivuze ntacyo warenzaho reka tubyakire gutyo ariko it’s sad story.”

Hari w’uwitwa cox_bloo nawe yagize ati “Uwabataye mwarabanye i Butare mukambukana Nyabarongo , urumva uriya bari bakimenyana yari kumugirira impuhwe amaze kwambuka Atlantique.”

Urban Boyz bakiri batatu ryari itsinda rikunzwe cyane mu Rwanda

Itsinda rya Urban Boys, ryari rigizwe n’abasore batatu aribo, Nizzo, Humble na Safi bemejeko ryasenyutse mumpera za 2017 mu myaka irenga umunani bari bamaranye bameze nk’abavandimwe, umwuka mubi wavutse muri iritsinda byatumye aba basore bose badacana uwaka, kuko Safi yanakoze ubukwe ntihagira numwe uhagaragara nk’abantu bahoze ari inshuti magara, ndetse ubwo Humble yakoraga ubukwe nawe mubukwe bwe Safi ntiyigeze ahagaragara.

Tanga Igitekerezo ukoresheje Facebook

SHARE