Humble Jizzo n’umugore we w’umuzungu bizihije isabukuru y’umwaka bakoze ubukwe, basubiye aho bakoreye ubukwe aba ariho bajya kwizihiriza ibirori(Amafoto)

Umwaka urashize, umuhanzi wo mu itsinda rya Urban Boyz,Manzi James [Humble Jizzo] akoze ubukwe n’umuzungu w’umunyamerika, witwa Amy Blauman ndetse ubu bafitanye n’umwana w’umukobwa bise “Ariela Manzi” wavukiye muri Amerika.

Amy Blauman na Humble Jizzo kuri ubu babana mu Rwanda, barizihiza isabukuru y’umwaka umwe bakoze ubukwe bakemeranya kubana akaramata nk’umugore n’umugabo, ubukwe bw’aba bombi bwabaye tariki 24 Ugushyingo 2018 bubera mu karere ka Rubavu.

Humble umugore we, n’umwana wabo w’imfura

Aba bombi mu rwego rwo gukomeza kuryoherwa n’uyu munsi w’amateka kuribo, barikumwe n’umwana wabo w’imfura bagiye kwizihiriza ibirori aho bakoreye ubukwe nk’urwibutso rw’umunsi w’amateka kuri bo.

Humble Jizzo abinyujije kurukuta rwe rwa instagram yagize ati “Ku wa 24 Ugushyingo 2019 wari umwaka umwe ushize nkoze ubukwe. Twafashe icyemezo cyo gusubira i Gisenyi aho twakoreye ubukwe. Byari byiza kuri njye n’urukundo rw’ubuzima bwanjye ndetse n’umwana wacu Ariella. Imana ihe umugisha umuryango wacu na buri umwe wabigizemo uruhare.”

Urukundo rwa Humble Jizzo na Amy Blauman rwatangiye kuvugwa muri 2015, aba bombi bivugwako bahuriye muri Nigeria, kuva icyo gihe batangira gukundana aho byabagejeje ku munsi w’ubukwe bakoze mu Ugushingo 2018.

Tanga Igitekerezo ukoresheje Facebook

SHARE