Search

I Kigali: Major Dr Rugombwa uregwa gukubita umwana w’umunyeshuri kugeza apfuye yakatiwe gufungwa by’agateganyo iminsi 30

NAWE WATUNGA IMODOKA Y'INZOZI ZAWE, KANDA HANO WIGURIRE IMODOKA ZIHENDUTSE GUHERA KU MAFARANGA IBIHUMBI 100 GUSA

KANDA HANO UREBE VIDEO

Umucamanza w’Urukiko rw’ibanze rwa gisirikare yemeje ko Maj Dr Aimable Rugomwa afungwa by’agateganyo iminsi 30. Uyu musirikare w’umuganga aregwa kwica umwana w’umunyeshuri amukubise kugeza apfuye, we ejo yahakanye icyaha avuga ko yarwanye n’umujura.

Maj Dr Aimable Rugomwa umuganga mu bitaro bya gisirikare by’u Rwanda i Kanombe aregwanwa ubufatanyacyaha n’umuvandimwe we Mamerto Nsanzimfura.

Nsanzimfura ni mukuru wa Rugomwa, we asanzwe atuye mu murenge wa Matimba mu karere ka Nyagatare, abunganira abaregwa bavuga ko ubwo icyaha baregwa cyabaga yari yaje kwa murumuna we i Kigali mu rwego rwo kwivuza uburwayi bwo mu mutwe.

dsc_0031

Major Dr Rugomwa mu iburisha kuwa kabiri

Kuwa kabiri mu rukiko bahakanye ubufatanyacyaha mu kwica umwana wo mu baturanyi w’imyaka 18 bamukubise kugeza apfuye.

Mu gusoma umwanzuro w’urukiko ku ifunga n’ifungurwa ry’agateganyo kuri iki gicamunsi, Umucamanza yabanje kugaruka ku miburanire yaranze impande zombi (abaregwa n’ubushinjacyaha) mu iburanisha ryo kuwa kabiri.

Yavuze ko kuba Maj Rugomwa yariyemereye ko yakubise Theogene no kuba hari abatangabuhamya b’abaturanyi bemeje ko Maj Rugomwa yaramukubise, kuba hari ibizamini bya muganga byaragaragaje ko nyakwigendera yakubiswe mu mutwe ndetse hari n’igufa ryari ryavunitse ari impamvu zikomeye zituma Maj Rugomwa n’umuvandimwe we Nsanzimfura Mamerto bakekwaho icyaha cy’ubwicanyi.

Agaragaza ko ntaho yahera arekura Maj Dr Rugomwa, Umucamanza uyoboye inteko yaburanishije ku ifunga n’ifungura rya Maj. Rugomwa n’umuvandimwe we Nsanzimfura, yagarutse ku bimenyetso bifatwa nka simusiga bimaze kugerwaho mu iperereza.

Ati “Kuba Maj Rugomwa yararwanyije umusivile kuva mu rugo kugera muri metero 15 aho yamurushirije imbaraga bakahamukura ari muri Coma, kuba hari abatangabuhamya babajijwe bakagaragaza ko urupfu rwa sivile Mbarushimana Theogene (Nyakwigendera) rwatewe n’uburyo yakubiswe na Maj Rugomwa

Kuba expertise medical legal (ibizamini byemewe bya muganga) igaragaza ko sivile Mbarushimana Theogene yishwe no kuba yarakubiswe mu mutwe ukameneka, ndetse n’igufa ryo mu mutwe ryari ryacitse, Urukiko rusanga izo zose ari impamvu zikomeye zituma rukeka ko Maj Dr Rugomwa yakoze icyaha cy’ubwicanyi.”

Umucamanza yanagarutse ku nyandikomvugo z’abaregwa n’abatangabuhamya, yavuze ko mu ibazwa Nsanzimfura Mamerto yemeye ko we na Maj Rugomwa bakubise Theogene. Umucamanza ati “izo zose ni impamvu zikomeye z’uko Maj Rugomwa akekwaho icyaha cy’ubwicanyi.”

Umucamanza yagarutse ku ngingo y’140 mu mategeko ahana y’u Rwanda igaragaza icyaha cyo kwica umuntu ubishaka, yavuze ko icyo cyaha gikomeye gihanishwa igifungo kiri hejuru y’imyaka ibiri bityo yemeza ko Maj Dr Rugomwa n’umuvandimwe we w’umucivile

Nsanzimfura Mamerto bafungwa by’agateganyo iminsi 30 kugira ngo iperereza rikomeze, rikazakurikirwa n’iburanisha mu mizi.
ngingo ya 140 mu gitabo cy’amategeko ahana mu Rwanda igira iti “Kwica umuntu ubishaka byitwa ubwicanyi. Bihanishwa igifungo cya burundu.”

Iri somwa ryamaze iminota itarenze 30 uhereye ku isaha ya saa munani n’iminota 10.

Bamwe mu bo mu muryango w’umwana wishwe n’abamureraga ku Kabeza mu murenge wa Kanombe bari bahari.

51418464-c6aa-4eef-8ba9-8986c711bb1d

Nsanzimfura Mamerto n’umuvandimwe we Maj Dr Rugomwa imbere y’urukiko bari gusomerwa mu kanya gashize

Abaregwa ntabwo bajuririye uyu mwanzuro w’Urukiko, ku maso bagaragaraga nk’abakomeye, ubwo Maj Dr Rugomwa yasohokaga mu rukiko yaramutsaga nta mususu bamwe mu baje muri iri somwa bigaragara ko ari inshuti ze cyangwa abo mu muryango we.

source: umuseke

Kanda hano udukurikire kurubuga rwacu rwa youtube, urasangaho ibiganiro n’amashusho y’indirimbo bishya twaguhitiyemo, ntiwibagirwe gukana ahanditse”Subscribe” Kanda hano ujye udukurikira kuri facebook yacu, ntiwibagirwe gukora Like.

Comments

comments




Leave a Reply

Your email address will not be published. Required fields are marked *

This site uses Akismet to reduce spam. Learn how your comment data is processed.