Ibanga rya Aidan Tkay uri kwigarurira imitima y’abakunda umuziki mu mujyi wa Kampala

Umuhanzi Aidan Tkay wahoze mw’itsinda rya Two 4 Real ryasenyutse ari kwigarurira imitima y’abakunda muzika i Bugande ibintu acyesha gukorana cyane n’abatunganya Muzika muri icyo gihugu.  
Aidan Tkay n’umuhanzi mwiza wamenyekaniye mw’itsinda rya Two4Real ryigize kugacishaho muri Muzika Nyarwanda, ubu ibikorwa bye bya Muzika asa n’uwabyimuriye muri Kampala aho indirimbo ze zikinwa mu tubyiniro twaho cyane, ibintu avuga ko abicyesha gukorana n’abatunganya muzika baho.
Uyu muhanzi avuga ko agitandukana na Dj Pius buri umwe yahisemo kubaka ibikorwa bye ku buryo byamusabye gukora cyane.
“Gutandukana kw’itsinda birumvikana Power Play yahise igabanuka byansabye gukora cyane, nahinduye byinshi mpagarika kurapa ntangira kuririmba, ibintu ntarinzwiho”
Aidan Tkay mugushaka kwagura izina rye yahise yibanda mu gukorana naba Producers b’abagande abantu adatinya kuvuga ko iyo urebye nabi bakurya amafaranga ukaririmba urwo ubonye !
Aidan Tkay uri kwigarurira imitima y’abagande
Uyu muhanzi avuga ko yashyize imbere gukorana cyane naba Producers b’abagande aho amaze gushyira hanze indirimbo zitandukanye zirimo iyo aheruka gukora yise  “Talk to me” yakozwe na Nessim Pro mu buryo bw’amajwi, amashusho agakorwa na Eazycut bi Bugande,indirimbo yazamuye urwego rwe,ikinwa mu tubyiniro no mw’itangazamakuru ryi Kampala.
“Nka Talk to me n’indirimbo yakozwe n’abagande, ubu muri Kampala iri mundirimbo zikunzwe, hari n’abayikina mu tubyiniro bazi ko ari iy’umugande, gukorana naba Nessim byaramfashije cyane bafite Production nziza cyane “
Nk’umuhanzi umaze kugira ubunararibonye mu gukorana n’abatunganya muzika hanze y’Urwanda hari inama agira Abahanzi Nyarwanda.
“Icyo nabwira abahanzi gukorera hariya byagura funbase yawe hari abafana bikundira production gusa na producer runaka iyo ukoranye indirimbo nabo uba ufite amahirwe yo kumenyekanisha muzika yawe hariya.”
Aganira na IBYAMAMARE yashimiye bikomeye Itangazamakuru ryo mu Rwanda ku kazi gakomeye rikora ariko arisaba kutarangwa n’amarangamutima bagafasha impano nshya kugira ngo umuziki urusheho kunguka impano nshya kandi zishoboye.
Talk to me by Aidan Tkay

Tanga Igitekerezo ukoresheje Facebook

SHARE