IBINTU 10 UKWIYE KUZIRIKANA NIBA USHAKA GUTERA IMBERE

1. Uko ungana kose ntukumve ko ukiri muto kuburyo utakora ikintu runaka gifite umumaro, burya mu buto niho imbaraga n’imitekerereze by’uzaba umuntu bikora neza kandi uzaba umusare abyiruka yoga amazi magari!

2. Ni byiza kugira icyizere n’ibyiringiro ariko icyo utarabona ntukakibare! Jya ushyiramo ingufu ugishake nk’utagifite, wizere neza icyo washyikiriye kandi nabwo uharanire kukigumana no kugisigasira!

3. Niba wikunda kandi wifuza guhora utuje, jya ubabarira kuko kubabarira bitanga umutuzo nko kubabarirwa ndetse kubabarira bitanga umugisha kurusha kubabarirwa, ariko kandi kubabarira si uguhanagura amakosa wakorewe no kuyirengagiza, ahubwo ni ukayazirikana ariko ukayihanganira ukanayakira.

4. Kuba ikintu gikomeye kugikora ntibivuga ko kidashoboka kandi umugisha wera ku giti cy’umuruho! Kora cyane wicika intege ibikugora nibyo bizeraho imbuto ziryoshye

5. Mu byo ukora mu buzima bwawe bwa buri munsi gerageza kumva inama za buri wese ariko umenye gusesengura no kwifatira ibyemezo burya nicyo kiranga umuntu ufite icyerekezo! Igira ku bandi; abakora ibyiza ubigane ariko n’abakora amafuti akubere urugero rw’ibyo ukwiye kugendera kure

6. Menya ko igihe ari umutungo wawe ukomeye, wige kugikoresha neza no kukibyaza umusaruro kuko iyo utabihaye agaciro nibyo bizana kwicuza! Uzumve nk’iyo umuntu akubwiye ngo wikwitera igihe… Ntacyo wumvamo se? Bavuga ko igihe ari amafaranga ariko njye mbona hari ubwo kiruta n’amafaranga kuko hari ubwo igihe kiguhesha amafaranga ariko amafaranga ntiyabasha kuguhesha igihe wataye.

7. Nubona umuntu aje akagira ibyo akubwira ku bandi, ntugashidikanye jya uhita umenya ko ubwo nawe hari ibyo akuvuga kuri bo. Jya buri gihe witondera amabwire kandi ugire amakenga mu byo ukora byose nibyo bizagufasha kwifata uko bikwiye mu buzima bwawe bwa buri munsi.

8. Nk’uko umufundi atakwemera gucura igifungo kitagira imfunguzo, ni nako Imana nayo itakwemera ko habaho ikibazo kidafite igisubizo. Ikibazo kiza gikomeye ariko kandi n’igisubizo nutuza uzabona icya nyacyo mu gihe cya nyacyo. Ntugahutireho kandi ntukihebe Imana isubiza igihe cyageze.

9. Niba ufite intego runaka wihaye ukabona kuyigeraho bikugora, ibizakubera byiza ni uguhanyanyaza ntucike intege kuko n’ubwo gutegereza igihe kinini bibabaza, nta kibabaza nko kuba wazicuza impamvu utategereje wihanganye.

10. Kuko nta na rimwe uzigera unyura rubanda, ntugakore amafuti ugirango ubashimishe ahubwo uzemere ukore ibizima utitaye ku buryo byabababaza kuko n’ubundi burya ukuri kuraryana ariko kandi ntiwakwibagirwa ko kunakiza ndetse guca mu ziko ntigushye.

ICYO UKUNZE KURUSHA IBINDI NI ICYA KANGAHE?

NTUGENDE UDAKOZE LIKE CG SHARE NIBA IYI MESSAGE UYIKUNZE 🙏🙏🙏

Tanga Igitekerezo ukoresheje Facebook

SHARE