Icyo Bruce Melodie arusha King James na Buravan imbere y’abakunzi babo

Bruce Melodie, King James na Yvan Buravan n’abahanzi bakomeye hano Rwanda byumwihariko mu njyana ya RnB dore ko bose ariyo bakora. Nubwo bose ari abahanga mu kugorora amajwi, ibyo gusa ntibiba bihagije ahubwo nuko bitwara iyo bari imbere y’abakunzi babo biri mu bibongerera igikundiro ndetse no kwishimirwa na benshi.

Gukundwa no kwishimirwa na benshi n’ikiraro gifasha abahanzi bamwe kugera ku rwego rwo hejuru  kabone nubwo yaba adafite impano ihambaye.

Ibi ariko ntibyiza gusa ahubwo bisaba ko n’umuhanzi abigiramo uruhare, akamenya uko yitwara mu gihe ari imbere y’abakunzi be yaba mu bitaramo cyangwa ahantu hatandukanye ndetse akamenya n’ibyo agomba kubaganiriza kugirango ayobore amarangamutima yabo mu gihe bamuhaye umwanya.

Muri iyi nkuru tugiye kugaruka ku myitwarire itandukanya aba bahanzi twavuze haruguru uko ari batatu mu gihe bari imbere y’abakunzi babo.

Ntawatinya kuvuga ko Bruce Melodie, King James na Yvan Buravan aribo bayoboye muri muzika Nyarwanda ku baba imbere mu gihugu.

Duhereye kuri Buravan n’umuhanzi mwiza wibanda ku rukundo gusa kuko kugeza ubu indirimbo zose afite n’izivuga ku rukundo, iyo umubajije umukobwa bakundana akubwira ko ari ibanga. Uyu musore iyo ataramira abakunzi be abikora neza ariko uburyo bwo kubaganiriza no kuyobora amarangamutima yabo mu gihe ari ku rubyiniro buri hasi.

King James nawe n’umuhanzi mwiza kandi w’umuhanga, n’ubwo yibanda ku kuririmba urukundo anyuzamo akaririmba n’ubuzima busanzwe, nawe biragoye kumenya nimba afite umukunzi cyangwa ntawe. Iyo ataramira abakunzi be agerageza kuyobora amarangamutima yabo gusa akabifashwa nuko indirimbo ze ziba zarabacengeye kuburyo aziririmba bajyana.

Benshi ubu ntibatinya guhamya ko uyu musore asigaye akora umuziki nk’abakire bitewe nuko atagikunze kugaragara cyane mu bitaramo, bivugwa ko ari mubahanzi basigaye bahenze cyane mu gihugu. Mu buzima busanzwe ariyoroshya ariko bikaba bigoye kumubona ari gusabana n’abandi.

Bruce Melodie wiyise ‘Igitangaza’ impano ye mu muziki ntishidikanywaho, icyo arusha aba bandi nuko azi kuyobora urubyiniro (stage) neza, aganiriza abakunzi be akabashyira mu njyana y’igitaramo mu buryo bukwiye, aba yiyizeye ku rwego rwo hejuru kuburyo ashobora no kubataramira akoresheje ijwi rye na gitari gusa kandi bakaryoherwa.

Umuziki we ukundwa n’abingeri zose mu gihe aba bandi bakundwa cyane n’abigitsina gore, mu buzima busanzwe afite umugore babyaranye umwana umwe w’umukobwa, ariyoroshya kandi akunda no gusabana.

 

 

Tanga Igitekerezo ukoresheje Facebook

SHARE