Igipolisi cy’uburundi cyafashe abagore 101 bari bamaze icyumweru 2 bafungiranywe mu nzu

Abagore 101 bafatiwe mu nzu iri muri zone Buterere, komine Ntahangwa mu mujyi wa Bujumbura,  bitegura kujyanwa mu bihugu byo mu burasirazuba bwo hagati n’ahandi mu bikorwa by’ubucakara.

Inzu baafatiwemo iri muri gace kanzwi nka Miroir, yakodeshejwe miliyoni ebyiri z’Amarundi n’abantu igipolisi cy’iki gihugu kitashatse kuvuga amazina.

Hari icyapa kigaragaza ko higishirizwa umwuga wo guteka.

Aba bagore bari bamaze ibyumweru bibiri muri iyi nzu kandi nabo ntibari bazi aho bagiye.

Ko ari 101 baturuka  mu ntara za Bujumbura rural, Cibitoke, Bubanza hamwe n’umujyi wa  Bujumbura.

Igipolisi cyavuze ko aba bagore bari bajyanywe kugurishwa mu bihugu bya Arabia saoudite, Qatar na Oman kandi ari ubucuruzi bw’abantu butemewe haba mu gihigugu cy’u Burundi no ku rwego mpuzamahanga .

Moïse Nkurunziza umuvugizi wungirije muri minisiteri y’umutekano mu gihugu  yabwiye itangazamakuru ko aba bantu bajyanwa bajyanywa muri ibi bihugu nk’abacakara.

Moise Nkurunziza yavuze ko abakora ubu bucuruzi bakorana n’abo muri Tanzania, Uganda na Kenya.

Abenshi muri bo bari hagati y’imyaka 16 na 23, baba bajyanywe muri ibi bihugu gukoreshwa uburaya n’indi mirimo yo mu rugo.

Tanga Igitekerezo ukoresheje Facebook

SHARE