Igisupusupu, Bushali, P-Fla, Bull Dogg na Jay Polly bagiye gufungwa(VIDEO)

Abahanzi benshi bamenyekanye muri muzika nyarwanda by’umwihariko mu njyana ya Hip Hop barimo Bull Dog, Pfla na Bushali n’ Igisupusupu ugezweho muri iyi minsi hamwe n’abandi bose baririmba amagambo ngo atajyanye n’umuco bagiye kujyanwa mu nkiko n’umuhanzi witwa Shakun.

Umuraperi Shakun

Uyu Shakun avugako we na Mc Mahoniboni aribo batangije injyana ya hip hop bakayivunikira none ngo yajemo abaraperi babavubuka bayigira umwanda aho birirwa baririmba ibishegu gusa, akaba ari nayo mpamvu uyu muhanzi agiye kwiyambaza ubutabera.

Shakun ubwo twamusangaga i Nyamirambo ahazwi nko mu Biryogo, yatangarije ikinyamakuru Ibyamamare.com ko hari abahanzi yamaze kurega mubugenzacyaha abarega kwica umuco mu miririmbire yabo ndetse no kwica injyana ya hip hop.

Shakun avugako afite, copyright kuri hip hop Nyarwanda kuko ariwe na Mahoniboni bayitangije mu Rwanda bityo akaba ababazwa n’abana baje ejobundi bakaba bagenda bica iyi njyana hakiyongeraho no kwica ururimi rw’ikinyarwanda.

Yagize ati:’...injyana ya Hip Hop bayigize umwanda bokavuna umwambi…ninjye uyifitiye copyright nditegura kubajyana mu rukiko…bageze n’aho barenga kwica injyana ahubwo bageze no kurwego rwo kwica ururimi rwacu rw’Ikinyarwanda. Urugero aho kuvuga ngo ni mwebwe…basigaye bavuga ngo ni muebue…”

KANDA HANO UKIRIKIRANE IKIGANIRO

Shakun Bon ni umuhanzi wakoranaga na MC Mahonibon bivugwa ko aribo bazanye mu Rwanda injyana ya Hip Hop.

Uyu muhanzi yagiye akora indirimbo zitandukanye ariko cyane cyane izikangurira urubyiruko kureka gukoresha ibiyobyabwenge.

Aha wavuga nk’indirimbo yakoranye na Gisa cy’Inganzo yise “ubuyobe” aho avuga ko inshuti ze nyinshi zishwe n’ikiyobyabwenge cyitwa Mugo agasaba urubyiruko kuzibukira ubwoko bwose bw’ibiyobyabwenge ngo kuko byica.

Avuga ko impamvu yahisemo kuririmbana na Gisa Cy’inganzo, icyo gihe ngo Gisa yakoreshaga ibi biyobyabwenge akaba yaramuburiraga kugirango abireke ari nayo mpamvu yamuhisemo ngo baririmbane iyi ndirimbo.

 

Tanga Igitekerezo ukoresheje Facebook

SHARE

1 IGITEKEREZO