Igitego Rutanga Eric yatsindiye Rayon Sport ku munota wa nyuma, Cyatumye sitade yose ihaguruka bamusukaho amafranga

Umukino wahuje ikipe ya Rayon Sports na Kiyovu Sports wari indya nkurye, amakipe yombi yari yahize gutsinda,imwe ishaka kwigaranzura indi, abafana amagambo yari yabaye menshi buriwese ashaka intsinzi, iminota 90 y’umukino yarangiye nta n’umwe ubonye intsinzi ari 0 : 0.

Mu minota itanu y’inyongera, umukinnyi wambara nimero 3 muri Rayon Sports FC akaba na Kapiteni,Rutanga Eric yaje nk’umucunguzi, atsindira rayon sports igitego cyabahesheje amanota atatu y’intsinzi ku munsi wa 11 muri Shampiyona y’umupira w’amaguru mu Rwanda.

Rutanga aho yacaga abamuherezaga amafaranga

Uyu mukino urangiye abafana ba rayo sports bari mubyishimo byinshi cyane batewe na Rutanga Eric. Umukino urangiye Rutanga yagiye kubasuhuza ni uko bamuhundagazaho amafanga nawe agenda atoragura inzira yose.

Igitego cyatandukanyije impande zombi cyabonetse ku munota wa nyuma muri itanu y’inyongera, gitsinzwe na Rutanga Eric wahanaga ikosa yakorewe na Nsanzimfura Keddy ahagana muri koruneri.

Rutanga atoragura inote

Gutsinda uyu mukino byatumye Rayon Sports ifata umwanya wa kabiri n’amanota 24 inganya na Police FC mu gihe APR FC ari iya mbere na 27.

Rutanga amaze gutsinda igitego

Tanga Igitekerezo ukoresheje Facebook

SHARE