Ikipe ya Kiyovu itsindiwe i Nyamirambo na Marine FC,ibitego bitatu (3) ku busa, umunyezamu Kimenyi Yves yifata kumunwa

Umukino w’umunsi wa kabiri wa Shampiyona, Ikipe ya Kiyovu Sports yifuza kwegukana igikombe cya Shampiyona, itsinzwe na Marine FC ibitego bitatu (3) ku busa mu mukino wabereye kuri Stade ya Kigali i Nyamirambo.

Iyi kipe ifite abakinnyi bashya yaguze muri uyu mwaka barimo umunyezamu Kimenyi Yves urindira ikipe y’Igihugu (Amavubi), itsinzwe umukino wa kabiri mu gihe uwa mbere yari yatsinzemo Mukura VS 3-1.

Muri uyu mukino w’umunsi wa kabiri wa shampiyona, Marine FC yari yasuye Kiyovu Sports kuri Stade ya Kigali i Nyamirambo, yabonye igitego cya mbere mu gice cya mbere cy’umukino.

Ni igitego cyatsinzwe na Hakizimana Felicien ku munota wa 15’ w’igice cya mbere cy’umukino ari na cyo cyabonetse muri iki gice.

Igice cya kabiri kigitangira, Marine FC yahise ibona igitego cya kabiri na cyo cyatsinzwe na Hakizimana Felicien ku munota 49’.

Iyi kipe y’ingabo zirwanira mu mazi yabonye igitego cya gatatu ku munota wa 70’ kuri penaliti yatewe na Mugenzi Bienvenu.

Iyi kipe kandi yabuze igitego cyari cyabazwe kuri Penaliti yatewe na Ishimwe Fiston ubundi umunyezamu Kimenyi Yves agahita ayikuramo.

Kiyovu Sports iheruka kubona umuyobozi mushya ari we Mvukiyehe Juvenal, mbere y’uko shampiyona ya 2020-2021 itangira, uyu muyobozi yari yavuze ko biteguye kugera ku ntego yo gutwara igikompe ndetse ko bageze kuri 80% babyizeye ngo indi 20% ari umusaruro uzava mu kibuga.

Ni ikipe yiyubatse kuko uretse kugura abakinnyi bashya, ubuyobozi bw’iyi kipe bwanazanye umutoza Karekezi Olivier wakanyujijeho muri ruhago mu Rwanda ndetse akaza no gutoza ikipe ya Rayon Sports.

Tanga Igitekerezo ukoresheje Facebook

TURAKWAMAMARIZA Niba uri umucuruzi, umushoramari, Umuhanzi n'abandi bantu bose bifuza kwamamaza, IBYAMAMARE.com turagufasha kwamamaza ibikorwa byawe bigere kubatuye isi yose kuko dusurwa n'abarenga miliyoni 2 buri kwezi, tugukorera inkuru, tukakwamamaza kumbuga nkoranyamba zacu zose harimo facebook, instagram, twiter na Youtube kandi bigakobwa gatatu mu Cyumweru ukwezi kose twamamaza ibyo ukora ndetse dushishikariza abantu kubimenya. DUHAMAGARE cyangwa utwandikire KURI Wats APP: +250 7830 35616 Cg utwandikire kuri Email : ibyamamarenews@gmail.com
SHARE