Ikipe ya Maroc ni yo yegukanye igikombe cya CHAN itsinze Mali ibitego 2(Amafoto)

Umukino w’ishyaka ryinshi, Maroc yatwaye igikombe yakoreye itsinze Mali ibitego 2-0, umukino wabonetsemo ikarita itukura ku ruhande rwa Mali.

Maroc yari mu itsinda rimwe n’u Rwanda muri iyi mikino yaberaga muri Cameroon, umukino wazihuje tariki 22 Mutarama 2021 warangiye ari 0-0.

Ikipe ya Maroc ni yo yegukanye igikombe cya CHAN cyaberaga muri Cameroun, nyuma yo gutsinda Mali ibitego bibiri ku busa

Umukino wa nyuma w’irushanwa ry’amakipe y’ibihugu agizwe n’abakinnyi bakina imbere muri shampiyona wari witezwe kuri Stade Ahmadou Ahidjo mu mujyi wa Yaoundé kuri iki Cyumweru tariki 07 Gashyantare 2021.

Soufiane Bouftini yafunguye amazamu ku munota wa 69 w’uyu mukino wari waranzwe no kubura kw’igitego mu gice cya mbere, Maroc igira 1-0.

Iki gitego cyabonetse kuri corner. Mali yakomeje kugerageza kwishyura biranga.

Maroc ikina umukino wo guhanahana, yakomeje gusatira, iza kubona corner n’ubwo amashusho agaragaza ko umukinnyi wayo ari we wari warenge umupira umusifuzi Peter Waweru wo muri Kenya ntiyabihaye agaciro.

Kuri iyo corner yo ku munota wa 79 nibwo Maroc yayiteye itsinda igitego gishimangira intsinzi ku mutwe wa Ayoub El Kaabi, birangira ari 2-0.

Mali yarangije umukino ari 10, nyuma y’uko ku munota wa 90 umukinnyi Issaka Samake yeretswe ikarije ya kabiri y’umuhondo, ivunjwamo umutuku.

Maroc yari mu itsinda C ry’u Rwanda, Togo na Uganda. Yazamutse ari iya mbere mu itsinda nyuma yo gutsinda Togo 1-0, inganya n’Amavubi 0-0, itsinda Uganda 5-2.

Mu kindi kiciro yatsinze Zambia 3-1, muri 1/4 cy’irangiza, itsinda Cameroon 4-0 muri 1/2.

Ikipe ya Mali yari mu itsinda A yabanje gukina na Burkina Faso itsinda 1-0, nyuma ikina na Cameroon zinganya 1-1 umukino wa nyuma mu matsinda yakinnye na Zimbabwe iyitsinda 1-0.

Muri 1/4 yasezereye Congo Brazzaville kuri penaliti 5-4, zari zanganyije 0-0, muri 1/2 yakuyemo Guinea kuri penaliti 5-4.

Tanga Igitekerezo ukoresheje Facebook

TURAKWAMAMARIZA Niba uri umucuruzi, umushoramari, Umuhanzi n'abandi bantu bose bifuza kwamamaza, IBYAMAMARE.com turagufasha kwamamaza ibikorwa byawe bigere kubatuye isi yose kuko dusurwa n'abarenga miliyoni 2 buri kwezi, tugukorera inkuru, tukakwamamaza kumbuga nkoranyamba zacu zose harimo facebook, instagram, twiter na Youtube kandi bigakobwa gatatu mu Cyumweru ukwezi kose twamamaza ibyo ukora ndetse dushishikariza abantu kubimenya. DUHAMAGARE cyangwa utwandikire KURI Wats APP: +250 7830 35616 Cg utwandikire kuri Email : ibyamamarenews@gmail.com
SHARE