Ikipe y’igihugu y’u Rwanda mu mukino wa Basketball yabonye itike yo gukina imikino ya 1/2 muri Zone V, itsinze Sudani y’amajyepfo.

IBM Radio Listen Live

KANDA HANO UREBE VIDEO

Ikipe y’igihugu y’u Rwanda y’umukino wa Basketball yabonye itike yo gukina imikino ya 1/2 muri Zone V, itsinze Sudani y’amajyepfo ku manota 90 kuri 80, mu mukino yabaye  kuri uyu wagatatu.

Mu  mukino wabereye kuri Cairo National Stadium, kuri uyu wagatatu  tariki ya 15 Werurwe 2017, amakipe yombi yawinjiyemo asabwa kuwutsinda kugira ngo yiyongerere amahirwe yo gukomeza mu kindi cyiciro.

Gutsinda uyu mukino, byatumye u Rwanda ruzamuka ari urwa kabiri mu itsinda rya mbere, inyuma ya Misiri ya mbere, rugera muri 1/2.

U Rwanda rwatangiye iri rushanwa rwihaniza Kenya ku manota 76 kuri 60, rutsindwa na Misiri 83 kuri 71 ku mukino wa kabiri, mbere yo gukuramo Sudani y’Epfo nayo yaje igaragaza ubushongore muri iri rushanwa nyuma yo gutsinda Kenya.

Muri iri tsinda undi mukino uteganyijwe ugomba guhuza Kenya yamaze gusezererwa na Misiri, ishaka gushimangira umwanya wa mbere ari nayo ifite igikombe.

U Rwanda ruzahura na Uganda kuwa Gatanu tariki ya 17 Werurwe, ni nyuma yaho Uganda isoje imikino yo mu itsinda rya kabiri iri imbere, aho yatsinze u Burundi amanota 99 kuri 54.

 

Richard Uwizera

8,001 total views, 1 views today

Comments

comments




Leave a Reply

Your email address will not be published. Required fields are marked *