Search

Ikipe y’u Rwanda yamagare yaje kumwanya wa gatanu muri Afurika, Areruya Joseph aba umukinnyi wa kabiri

IBM Radio Listen Live

KANDA HANO UREBE VIDEO

Ishyirahamwe ry’umukino w’amagare ku Isi (UCI) ryashyize ahagaragara urutonde rwuko amakipe akurikirana muri Afurika ndetse n’abakinnyi baza imbere y’abandi muri uyu mukino. Ikipe y’u Rwanda (Team Rwanda) yafashe umwanya wa gatanu, Umunyarwanda Areruye Joseph aza kumwanya wa kabiri muri Afurika mu batoya.

Team Rwanda ubu iza kumwanya wa gatanu muri Afurika.

Kuri uru rutonde rushya rwashyizwe ahagaragara na UCI (ishyirahamwe ry’umukino wo gusiganwa ku magare ku Isi) ikipe y’u Rwanda yaje kumwanya wa gatanu muri Afurika inyuma ya Maroc, Eritrea, Algeria na Afurika y’Epfo.

Umusore w’Umunyarwanda Areruya Joseph kuri uru rutonde yaje kumwanya wa kabiri mu bafite imyaka micye avuye ku mwanya wa 11, aba uwa kane muri rusange.

Areruya Joseph w’imyaka 21 wamaze kwerekeza mu ikipe y’ababigize umwuga ya Dimension Data yo muri Afurika y’Epfo, yaje kuri uyu mwanya nyuma yo kwitwara neza muri shampiyona ya Afurika yo gusiganwa ku magare yasojwe kuri iki Cyumweru yaberaga mu Misiri mu Mujyi wa Luxor.

Areruya Joseph yitwaye neza mu mikino ya shampiyona ya Afurika yaberaga mu Misiri.

Muri iyi mikino Joseph  yashoboye kwegukanyemo imidari ibiri ya bronze harimo uwo yatwaye mu gusiganwa umuntu ku giti cye mu batarengeje imyaka 23, ndetse akaba yaragize uruhare rukomeye mu guhesha u Rwanda umudali wa bronze, ubwo banyongaga nk’ikipe mu gusiganwa n’ibihe (Course Contre la Montre).

Mu bandi banyarwanda baza hafi kuri uru rutonde rwa UCI, harimo Ndayisenga Valens wavuye ku mwanya wa 31 afata uwa 24 muri Afurika, Jean Claude Uwizeyimana we yatakaje imyanya kuko yavuye kuwa 22 afata uwa 45 ahanini kuko atigeze yitabira shampiyona ya Afurika yatumye abandi biyongerera amanota.

Uyu musore no muri Tour u Rwanda naho yari yigaragaje atanga icyizereko azaba umukinnyi ukomeye mu gusiganwa ku magare.

 

Ivan Heritier

Comments

comments




Leave a Reply

Your email address will not be published. Required fields are marked *