Imbamutima za benshi kuri KIVU AWARDS 2019. Yakiriwe ite ? igeze he ?

Nyuma yaho kuwa 20 Nzeli 2019 hatangarijwe urutonde ntakuka rw’abazahatanira ibihembo bya KIVU AWARDS2019 ibihembo bizahabwa ababa mu myidagaduro mu turere 5 dukora ku kiyaga cya Kivu mu ntara y’Uburengerazuba benshi bashimye iki gikorwa basaba abagiteguye kutazacika intege no kuzagikora neza biciye mu mucyo.

N’igikorwa cy’indashyikirwa kibaye ku nshuro ya mbere mu ntara igikorwa cyateguwe na KIVU ENTERTAINMENT ifatanyije n’abitwa KDKZ BAND baba ku mugabane w’Ubulayi aho abahatana mu byiciro bisaga 17 batowe n’abanyamakuru bakora imyidagaduro mu ntara y’Uburengerazuba mu muhango wabereye i Rubengera mu karere ka Karongi.

Kw’ikubitiro iki gikorwa kigitangira benshi bumvaga ar’ibintu biraho bitazashoboka aho bamwe mu buryo bweruye batatinye no ku kirwanya bakibona Pre Nominees(Urutonde rw’ibanze) ariko nta butaha butagezwe ifuni hadaciye kabiri ba baca ntege byarangiye bamwe batangiye kwemera ndetse batega iminsi bati dutegereze turebe aho bizaherera aka wa mukobwa ngo nzaribara ing…. !

Aba banyamakuru bakora ibiganiro by’ imyidagaduro mu ntara y’uburengerazuba nibo bifashishijwe mu gutora abahatana muri KIVU AWARDS2019

Nta nduru ivugira ubusa,aba barwanyaga KIVU AWARDS abenshi nti rwari urwango kwari ukudasobanukirwa uko igikorwa giteye,uko iminsi yagiye itambuka barabisobanuriwe barabyumva abaheranywe n’akangononorwa bati hari ibyiciro byirengagijwe,abategura KIVU AWARDS mu kujya gutangaza urutonde ndakuka rw’abahatana barabikosora bya byiciro biraboneka n’abahatana baranyurwa.

ALLY SOUDY mu bashimye KIVU AWARDS 2019

Ally Soudy arazwi n’umunyamakuru wakunzwe mu Rwanda akaba n’umwe mu bahirimbanye muri Muzika Nyarwanda kur’ubu atuye muri Leta Zunze Ubumwe z’Amerika abinyujije ku mbuga nkoranyambaga yashimye iki gikorwa atangaza ko nimba bitabangamiye irushanwa yazatanga umusanzu umuhanzi uzahiga abandi (Best Artist) yazamuhemba indirimbo ihwanye na 100.000Frw mu rwego rwo gushyigikira KIVU AWARDS2019

Si Ally Soudy gusa washyigikiye iki gikorwa kuko hirya no hino ku mbuga nkoranyambaga benshi bishimiye iki gikorwa ku buryo butangaje aho batahwemye kugaragaza ko banyotewe igihe cyo gutora kugira ngo bashyigikire abahanzi babo banerekane ko imyidagaduro itaba mu mujyi wa Kigali gusa ko no mu ntara  bidagadura kakahava.

Abahanzi bari mu bazahatanira KIVU AWARDS n’umutima mwiza bashimye iki gikorwa basaba ko kitazahagararira kuri 2019 ahubwo cyajya kiba ngarukamwaka ndetse n’ibyiciro bikiyongera hakabaho n’abandi benshi bafite ibitecyerezo byubaka imyidagaduro ikarushaho guhuza no gusabanisha abatuye intara y’uburengerazuba bakabibyaza n’umusaruro w’agafaranga.

Abahanzi batisanze muri KIVU AWARDS abenshi baganiriye na IBYAMAMARE.COM bahuriza ku kuba iki gikorwa ari cyiza ko ubutaha cyazagaruka kandi ko n’ubwo batisanze mu bahatana byabateye ishyari ryiza ryo gukora cyane ubutaha nabo bakazahanganira ibi bihembo nabo bitsa cyane kub’unyamwuga no kutazabamo amarangamutima ayo ariyo yose.

KIVU AWARDS benshi barifuza ko yajya iba ngarukamwaka ikarangwa n’ubunyamwuga butarimo amanyanga ayo ariyo yose 

Iyi KIVU AWARDS biteganyijwe ko guhera kuwa 01 Ukwakira 2019 abahatana bazahabwa code zo gutorerwaho muri buri cyiciro hakoreshejwe ubutumwa bugufi SMS ndetse no gutora Online aho hateguwe urubuga rwizewe rwo gutoreraho maze kuwa 30 Ugushyingo 2019 mu karere ka Rusizi abatsindiye ibihembo bakazabihabwa ku mugaragaro.

Masunzu Flavien uhagarariye KIVU AWARDS2019 atangaza ko ibihembo bizatangwa biciye mu mucyo ku buryo nta buriganya cyangwa andi manyanga azagaragaramo kandi iki gikorwa kizajya kiba ngarukamwaka aho anasaba abaterankunga batandukanye ku bagana kugira ngo barusheho gukorana.

DORE URUTONDE NTAKUKA RWABAHATANA MURI KIVU AWARDS 2019

Umuhanzi wahize abandi (best artist of the year)

  • Ben Adolphe (Rubavu)
  • Javanix (Rusizi)
  • King Salomon  (Rutsiro)
  • Pacifica (Rubavu)
  • The same (Rubavu)

Indirimbo yahize izindi (Best song of the year)

  • Dede by The Same
  • Dosiye Yanjye by Javanix
  • Ni Rushya by  Ben Adolphe ft Uncle Austin
  • Nyemerera by Imfura Felecien
  • Unama by Maisha Shakur

Itsinda rikora umuziki ryahize ayandi (best group of the year)

  • Cool Guys (Rubavu)
  • OG Guys (Rubavu)
  • Hero Guys (Rubavu)
  • The Same (Rubavu)
  • The Snipers(Karongi)
  • Holly Dreams (Nyamasheke)

Umuhanzikazi wahize abandi (Best female artist of the year)

  • Alicia Saga (Rubavu)
  • Briana (Rubavu)
  • Holly Gigi (Rubavu)
  • Nounou Collache (Rubavu)
  • Peace Thaidi (Rusizi)

Uwahize abandi mu gutunganya indirimbo (best audio/video producer of the year)

  • Boston pro (Nyamasheke)
  • Captain p (Rubavu)
  • Michael pro (Rusizi)
  • Niz Beatz (Rusizi)
  • Yang P (Rubavu)

Dj wahize abandi  (best Dj/Vj of the year)

  • DJ Alpha Vandam (Nyamasheke)
  • Dj Sean (Rusizi)
  • DJ Shamy Shift (Rubavu)
  • Dj Ytee (Rusizi)
  • Selekta Daddy (Ruvavu)

Korali yahize izindi  (best choir of the year)

  • Hermon choir  (Rubavu)
  • Bethel choir 7  (Rusizi)
  • Betifage choir (Rubavu)
  • Siloam choir (Nyamasheke)
  • Bethsaida choir (Karongi)

Umuhanzi wavukiye muri utu turere ariko ukorere mu mahanga (best diaspora artist of the year)

  • Diyen (Rusizi / US A)
  • Fresh Gemmy (Rubavu/ US A)
  • Kdkz music band (Rusizi /Europe)
  • Muchoma (Rubavu /US A)
  • Shizzo Afropapi (Rubavu / US A)

Uwahize abandi mu kumenyekanisha ibikorwa by’imyidagaduro (best Promoter of the year)

  • Isaac Ishimwe
  • Jimmy Claude
  • Lucky van Rukundo
  • Ndekezi Johnson Kaya
  • Tuyishime Sebat Evaliste

Uwahize abandi mu kumurika imideli (Best model of the year)

  • Jimmy Mugunga (1000 hills)
  • Joshua (Seruka Art)
  • Uwase Aisha (Uno Fashion Agency)
  • Rusizi Entertainment Group
  • Tona Grace

Umunyamakuru wahize abandi mu myidagaduro (Best showbiz journalist of the year)

  • Habineza Deo (RBA Radio Rusizi )
  • Kubwimana Rwamasasu Joe (RBA Radio Rubavu)
  • Kwizera Jean de Dieu (Inyarwanda.com)
  • Mukwaya Olivier (Igihe.com)
  • Ndekezi Johnson Kaya (VBR FM & Ibyamamare.com)
  • Niyibizi Aime (RBA Radio Rusizi)
  • Nyiransabimana Anoura Faswilaty (RBA Radio Rusizi)

Igitangazamakuru  cyashyigikiye imyidagaduro kurusha ibindi (Best Radio/ web)

  • RBA Radio Rubavu
  • RBA Radio Rusizi
  • Ivugangingo media (Rubavu )
  • Radio Isangano (Karongi)
  • Ibyamamare .com (ishami rya Rubavu)

Umukinnyi wa Ruhago wahize abandi (best football player of the year)

  • Hussein Renzaho Yongo (Espoir FC )
  • Kyambaande Fred (Espoir FC)
  • Nkunzimana Sadi (Espoir FC )
  • Nyirinkindi Saleh (Marines FC/Kiyovu Sports)
  • Tuyisenge Hakim (Dieu Merci) (Etincelles)

Umuhanzi wavukiye muri utu turere ariko ubu akaba yarabaye icyamamare (Best ambassador of the year)

  • Bamporiki Eduard (Nyamasheke)
  • Edouce Softman (Rusizi)
  • Jay Poly (Nyamasheke)
  • Mani Martin (Rusizi)
  • Young Grace (Rubavu)

Uwashyigikiye imyidagaduro kurusha abandi (best supporter of the year)

  • Bana / Super Eagles (Rusizi)
  • Black Star studio (Rubavu)
  • Boston (Nyamasheke)
  • Wes El Classico   (Rubavu)
  • Kaya Entertainment (Rubavu)
  • Theophile one love (Karongi)

Umuhanzi wahize abandi muri Hiphop/Trap/Rap (best hiphop/trap/rap artist of the year)

  • Benie Hunter (Rubavu)
  • Master p (Rusizi)
  • Shafty Ntwari (Rubavu)
  • The Snippers (Karongi)
  • Vala Dagger Fire (Nyamasheke)

Umuhanzi wahize abandi mu njyana za RNB/ Afrobeat (Best RNB/Afrobeat artist of the year)

  • The Same (Rubavu)
  • Javanix (Rusizi)
  • Pacifica (Rubavu)
  • Crezzo G Samuello (Rusizi)
  • Aime Prince (Rusizi)
  • El Kenedy (Rubavu)

    KIVU AWARDS biteganyijwe ko gutora ari kuwa 01 Ukwakira 2019 ibihembo bikazatangwa kuwa 30 Ugushyingo i Rusizi

 

 

Tanga Igitekerezo ukoresheje Facebook

SHARE

1 IGITEKEREZO

  1. Niba rero bijemo inkunga z’abapioniers, birasaba ngo hazatsinde koko ikitwa talent iri presentable. Nihazamo ikijama kinshi bikamera nka kakawete bizapfa. But it’s the best idea and I’m in support of it for sure. Go great guys!