Search

Imfura igenda nka Se, Umuhungu wa Cristiano Ronaldo yegukanye igihembo cye cya mbere muri ruhago

NAWE WATUNGA IMODOKA Y'INZOZI ZAWE, KANDA HANO WIGURIRE IMODOKA ZIHENDUTSE GUHERA KU MAFARANGA IBIHUMBI 100 GUSA

KANDA HANO UREBE VIDEO

Cristiano Jnr, umuhungu wa kabuhariwe Cristiano Ronaldo hashize igihe agaragaza inyota n’ubushake bukomeye afite bwo gutera ikirenge mu cya se, kuri ubu rero inzozi ze zatangiye kuba impamo dore ko mu kabati ka se k’ibihembo n’imidari hamaze kwiyongeraho ibye.

Cristiano Jnr yatwaye igihembo cye cyambere muri ruhago

Ni nyuma y’uko uyu mwana w’imyaka 7 gusa y’amavuko arangije umwaka w’imikino ari we uyoboye abatsinze ibitego byinshi mu ikipe y’ikigo cye.

Cristiano Jnr wari wanagaragaye mu kibuga kuri uyu wa Gatandatu, yaje guhabwa agakombe gato n’igihembo, udasize umudari nk’ikimenyetso cy’uko yahize abandi mu kunyeganyeza inshundura, nk’uko byagagajwe nanyirakuru Dolores Aveiro (nyina wa Cristiano Ronaldo) wari waje gushyigikira uyu mwuzukuru we ari nawe wabaye uwa mbere mu gushyira hanze aya mafoto abinyujije kuri Instagram.

Nyuma y’amasaha macye, kabuhariwe wa Real Madrid nawe yaje gusangiza abamukurikirana ifoto y’umuhungu we wateye ishema umuryango we n’abafana bawo muri rusange mu bice bitandukanye by’isi.

Cristiano Jnr na Nyirakuru Dolores Aveiro bishimira icyo gihembo

Tubibutse ko Cristiano Ronaldo nawe amaze kwesa uduhigo tutabarika mu bijyanye no gutsinda ibitego aho aza ku isonga mu batsinze ibitego byinshi mu mashampiyona atanu yose akomeye ku mugabane w’Uburayi(top five European leagues/amaze kugira 391 kandi aracyatsinda) muri UEFA Champions League(naho amaze kugira 120 kandi aracyatsinda), muri UEFA European Championship(29), mu gikombe cy’isi cy’ama-club(FIFA Club World Cup/ yatsinze 7 kandi ashobora kubyongera) ndetse ni nawe umaze gutsinda ibitego byinshi mu mwaka umwe mu irushanwa rya UEFA Champions League(17 nabyo ashobora kubirenza uyu mwaka).

Muri rusange Cristiano amaze gutsindaibitego 600 nk’umukinnyi wabigize umwuga mu makipe yanyuzemo no mu ikipe y’igihugu.

 

Richard Uwizera@ibyamamare.com

Comments

comments




Leave a Reply

Your email address will not be published. Required fields are marked *

This site uses Akismet to reduce spam. Learn how your comment data is processed.