Imigisha n’amahirwe menshi kuri Big Zed winjiye muri muzika atsinze amarushanwa / Dore ibanga kumwihariko we mu njyana ya Trap&Drill.

Umuraperi Big Zed uri kuzamuka neza munjyna igezweho cyane ya Trap & Drill yinjiranye amahirwe menshi muri muzika , kuva ubwo yatsindaga amarushanwa yo kuririmba ya The Beam Beat Entertainment, ndetse bikaba biri no kumuhira kuko ubu amaze no gushyira hanze E.P (Extend Play) y’indirimbo 4 icyarimwe.

Niyonkuru Deo uzwi nka Big Zed , amahirwe ye yatangiye kuva mu mwaka wa 2020 ubwo yinjiraga muri muzika kinyamwuga avugako yakuze akunda cyane. Muri uwo mwaka ninabwo yari yatsinze amarushanwa yo kuririmba yatumye asinyishwa amasezerano yo kujya yitabwaho n’inzu ya muzika izwi nka The Beam Beat Ent.,, arinayo iri kwita kubikorwa bye birimo n’izi ndirimbo 4 ziri kuri E.P yise ‘Uruziga.’

Uyu musore ufite ubushobozi bwo kwiyandikira imirongo y’indirimbo ze mu nganzo yuje ubuhanga, nyuma yo kurangiza amashuri yisumbuye yakurikijeho kwihugura mubyumuziki mbere y’uko awinjiramo.

Uyu musore w’umunyamigisha n’amahirwe menshi avugako ari byiza kuba akurikiranwa bya hafi na The Beam Beat Entertainment igizwe na The Beam Beat Records ikora ibya Audio na The Beam Image ikora ibya Video.

Yagize ati: “The Beam Beat Entertainment niyo dufitanye amasezerano y’imyaka 5 , ni team (ikipe) nini ikora ibiba bisabwa byose ihagarariwe na C.E.O Hirwa Patrick Laser Beat”

Big Zed akomeza avugako intumbero ye ari ukugeza muzika ye kure aharanira kumvisha abantu ubutumwa buba bukubiye mu ndirimbo ze bikaba byahindura mwene muntu, kandi ngo ibanga ntarindi nugukora cyane kuko afite umwihariko kubihangano bye.

Izo ndirimbo 4 yahurije hamwe akazitirira ‘Uruziga’ , zigizwe niyitwa ‘Bicwa’ ivuga kwibura ry’amafaranga ndetse n’ingaruka zabyo kurubyiruko , ‘Mbabarira’ yereka abantu ko bakwiye gusaba imbabazi kuko bahindutse bakaba babi , hakaba indi yitwa ‘Uruziga’ yakoranye n’uwitwa Rich One uba muri Amerika, ikaba ivuga ubizengurutse muntu mu buzima bwa buri munsi , ndetse na ‘Kininja’ ivuga ukuntu abantu basigaye bakora ibintu kumenya ubirinyuma bikaba ingorane.

Uyu muraperi wihariye haba mw’ijwi no mumyandikire asaba abantu kubashyigikira cyane ko munjyana yabo ya Trap harimo imbogamizi nyinshi zirimo amakuru mabi aba abavugwaho , ibiganiro bitabitaho, ndetse bakaba ntana Awards zihari zitirirwa abo muri iyo njyana.

REBA AMASHUSHO Y’INDIRIMBO ‘MBABARIRA’ YA BIG ZED

 

Tanga Igitekerezo ukoresheje Facebook

SHARE