Abakinnyi batatu bakomoka muri Africa aribo Mohamed Salah, Sadio Mane ndetse na Pierre-Emeick Aubameyang, bakoze amateka akomeye atarigeze abaho muri shampiyona y’umupira w’amaguru mu Bwongereza bituma bahabwa inkweto za zahabu (Gorden Boot) bose uko ari batatu.

Shampiyona y’umupira w’amaguru mu Bwongereza izwi nka ‘English Premier League’ n’imwe muzikomeye kandi zikurikiranwa na benshi ku Isi.

Muri uyu mwaka muri iyi shampiyona handitswe amateka mashya yo kuba abakinnyi batatu bakomoka muri Africa basoje banganya ibitego 22 byatumye bose bahabwa inkweto za zahabu ku musozo wayo.

Aba bakinnyi aribo Mohamed Salah ukomoka mu Misiri akaba akinira ikipe ya Liverpool, Sadio Mane ukomoka muri Senegale nawe akinira Liverpool ndetse na Pierre-Emeick Aubameyang ukomoka muri Gabon akaba akinira ikipe ya Arsenal, basoje imikino ya shampiyona banganya ibitego 22.

Mane na Aubameyang bujuje ibitego 22 mu mikino bakinnye ku munsi wanyuma aho buri umwe yatsinze ibitego 2 bisaga ibindi bari baratsinze. Salah nubwo atashoboye gutsinda ku mukino wa nyuma ariko yari abari imbere mu bari bafite ibitego byinshi.

Aba bakinnyi batwaye ibi bihembo nyuma yo kurusha rutahizamu wa Man City yegukanye igikombe, Sergio Aguero igitego kimwe gusa.

Ni ubwa mbere mu mateka y’iyi shampiyona uru rukweto rwegukanwa n’abantu batatu icyarimwe kandi bakomoka muri Africa, buri wese akaba yarahawe urwe.

Tubibutse ko ikipe ya Manchester City ariyo yegukanye igikombe, ikurikirwa na Liverpool, Chelsea Tottenham ku mwanya wa kane na Arsenal kuwa gatanu.


Mohamed Salah ukomoka mu Misiri akaba akinira ikipe ya Liverpool.

Sadio Mane ukomoka muri Senegale nawe akinira Liverpool.

Pierre-Emeick Aubameyang ukomoka muri Gabon akaba akinira ikipe ya Arsenal.

Tanga igitekerezo

Ntugire ikibazo Email yawe ntabwo tuyigaragaza kurubuga (*).

Ibitekerezo(0)