Kuri uyu wa Kabiri tariki 4 Ukuboza 2018 kuri stade international ya Rades mu Mujyi wa Tunis,nibwo rwambikanaga hagati ya Club Africain ndetse na Apr Fc Ya hano mu Rwanda mu mukino wo kwishyura w’imikino y’ijonjora ry’ibanze ry’igikombe gihuza amakipe yabaye aya mbere iwayo, CAF Champions League.

Umukino ubanza wabereye inaha Ikigali,urangira amakipe yombi aguye miswi anganyije 0-0,muri uyu mukino wo kwishyura wagaragayemo impinduka kuko Jimmy Mulisa yari yagiriye icyizere bamwe mu bakinnyi badasanzwe babanza mu kibuga barimo Imran Nshimiyimana wari utarabanza mu kibuga kuva uyu mwaka w’imikino watangira nyuma yuko azamuwe mu Ntare Fc.

Uyu Umukino watangiye APR FC igaragaza igihunga gikomeye ibi byaje no gutuma itsindwa igitego hakiri kare ku munota wa 13 gusa, cyatsinzwe na Bilel Khefifi wasatiraga aciye ku ruhande rw’ibumoso,rwakinagaho umusore Ombolenga Fitina,Club Africain yakiniraga mu rugo yakomeje gusatira ariko izitirwa n’ubwugarizi bwa APR FC bwari burimo Buregeya Prince na Herve Rugwiro ndetse n’umunyezamu Kimenyi Yves wakuyemo imipira itatu yashoboraga kubyara ibitego mu gice cya mbere.

Mu gice cya kabiri APR FC yari igifite amahirwe yo gukomeza kubona igitego cyo hanze, yasimbuje, Dominique Savio Nshuti afata umwanya wa Butera Andrew wari wagize umukino mwiza kuri uyu munsi gusa Izi mpinduka ntabwo zatanze umusaruro kuko APR FC yakomeje gusatirwa cyane, bikanayiviramo gutsindwa igitego cya kabiri cyatsinzwe na rutahizamu w’umunyaghana "Derick Sasraku" ku munota wa 63.

Kuri uyu munota 68 imbere y’imbaga nini y’abafana ba Club Africain bari bakomeje kwerekana ko bahangayikishijwe n’ibyemezo Umusifizi yafataga mu mukino bongeye gutuza bashyira umutima hamwe ubwo Ali Abdi yateraga igihunga Emmanuel Imanishimwe maze akitsinda igitego cya gatatu cya Club Africain,ibi byaje gutuma Mulisa yongera gukora impinduka, Maxime Sekamana agafata umwanya wa Iranzi Jean Claude ariko ntibigire icyo bitanga, umukino ukarangira APR FC itsinzwe 3-1 ikanasezererwa muri CAF Champions League.

Twababwira ko Mukura Vs nayo ihagarariye URwanda Muri iyi mikino nyafurika nayo izaba icakirana na Free state stars yo muri Afurica y’epfo kuri uyu wa Gatatu tariki 5 Ukuboza 2018 nyuma yuko umukino ubanza amakipe yombi anganyije 0-0,ibivuze ko byibura isabwa Gutsinda.

Leave A Comment

Ntugire ikibazo Email yawe ntabwo tuyigaragaza kurubuga (*).