Cristiano Ronaldo yemeye gutanga amande ya miliyoni zisaga €18 ndetse n’igifungo cy’ibyumweru 23 kubera imisoro yanyereje ubwo yakiniraga ikipe ya Real Madrid mu gihugu cya Espagne.

Rutahizamu w’ikipe ya Juventus na Portugal, Cristiano Ronaldo yemeye kuzatanga €18.8m n’igifungo cy’ibyumweru 23 ariko atazafungwa kuko itegeko rya Espagne ryemerera umuntu wese wakatiwe igifungo kitageze ku myaka ibiri kuba yagura icyo gifungo agatanga amafaranga ntazigere agera muri gereza.

Iyi misoro, Cristiano ronaldo yayinyereje hagati ya 2011 na 2014, akaba agomba kwishura amande ndetse n’igifungo yagombaga kujya muri gereza.

Aya mande yayaciwe nyuma yo kunyereza akayabo k’imisoro ka €14.7m ubwo yari ari mu ikipe ya Real Madrid yamufashije kuba ikirangirire, akaba umwe mu bafite imipira ya zahabu myinshi (ballon d’Or) aho anganya na Lionel messi 5.

Ubwo Ronaldo yakiniraga ikipe ya Real Madrid, yayifashije kwandika amateka yo kuba ikipe ya mbere ibashije gutwara Champions League 3 zikurikiranya (2016, 2017 na 2018)

Ronaldo uyoboye abandi mu gutsinda ibitego byinshi muri shampiyona y’Ubutaliyani ntamerewe neza muri iyi minsi kuko ibi bije nyuma y’ikirego cyo gufata ku ngufu umukobwa wo muri Las Vegas nacyo kitararangira.

Tanga igitekerezo

Ntugire ikibazo Email yawe ntabwo tuyigaragaza kurubuga (*).

Ibitekerezo(4)