Umunyezamu w’ikipe ya Rayon Sports, Bashunga Abouba yatuganirije ku rugendo rwe mu mupira w’amaguru. Bimwe mu byo atazibagirwa harimo kuba yarigeze gutsindisha Rayon Sports biturutse ku kuba yari amaze igihe adakina, maze abafana bajya gutonganya mama we kugeza ubwo yamuhamagaye akamubaza icyatumye atsindwa.

Bashunga Abouba uri mu bakinnyi kuri ubu bafatiye runini ikipe ya Rayon Sports mu izamu, yishimira intambwe amaze kugeraho mu buzima abikesha umupira w’amaguru.

Mu kiganiro Abouba yagiranye n’Ibyamamare.TV avuga ko ashimira cyane abatoza bose bamufashije kugera ku rwego ariho kuri ubu, byumwihariko uwitwa Katibito na Hamza.

Bimwe mu bihe bibabaje uyu mukinnyi avuga ko atazibagirwa mu rugendo rw’umupira w’amaguru, n’igihe yatsindishaga ikipe ya Rayon Sports mu mukino yari yahuyemo na Kiyovu Sports maze abafana bagatonganya umubyeyi we kugeza ubwo nawe amuhamagaye amubaza uko byagenze kugirango atsindwe.

Kubijyanye n’amarozi akunze kugarukwaho cyane mu mupira w’amaguru, Abouba avuga ko we atabyizera kuko atarabikoresha ahubwo nawe abyumva gutyo nk’abandi bose.

Uyu mukinnyi warushinze na Cyuzuzo Djamila mu mpera z’Ukuboza 2017 kuri ubu banafitanye imfura yabo y’umukobwa, yemeza ko ntaho yajya gukina atari hafi y’umuryango we kuko ariwo ubanziriza byose kuri we.

Abouba agira inama urubyiruko yo kudacika integer ku cyo biyemeje kandi bakarangwa n’ikinyabupfura kuko ari urufunguzo rwa byose.

REBA HANO IKIGANIRO KIRAMBUYE Abouba yagiranye na IBM TV


Bashunga Abouba niwe munyezamu Rayon Sports irikugenderaho muri iyi minsi


Bashunga Abouba akikiye imfura ye n’umunyamakuru wa IBM TV


Cyuzuzo Djamila umugore wa Abouba n’imfura yabo


Abouba na Djamila barushinze muri Ukuboza 2017


Mubyo Abouba yishimra ko yagezeho harimo no kuba ari mu bakinnyi bafite inzu zihagazeho

Leave A Comment

Ntugire ikibazo Email yawe ntabwo tuyigaragaza kurubuga (*).