Ikinyamakuru Forbes kizwiho gukora intonde z’ibyamamare mu ngeri zitandukanye cyashyize rutahizamu wa FC Barcelon, Lionel Messi ku mwanya wa mbere ku rutonde rw’abakinnyi 100 binjije amafaranga menshi muri uyu mwaka w’imikino urangiye.

Messi w’imyaka 31 y’amavuko akaba akomoka muri Argentine, ayoboye uru rutonde na miliyoni 127 z’amadorali asaga miliyari 100Frw yinjije mu mezi 12 ashize.

Mukeba wa Messi banahora bahanganye, Cristiono aza ku mwanya wa kabiri mu binjije amafaranga menshi na miliyoni 109$ asaga miliyari 85Frw. Neymar Junior ari ku mwanya wa gatatu mu binjije menshi na miliyoni 105$ asaga miliyari 82Frw.

Kimwe mu byatunguye benshi kuri uru rutonde nuko umuteramokofi Floyd Mayweather wari uruyoboye mu mwaka ushize ubu atagaragara mu icumi ba mbere.
Paul Pogba ukinira Manchester United akaba ari nawe uhembwa menshi mu Bwongereza, ari ku mwanya wa 44 yinjije miliyoni $33 asaga miliyari 25,9Frw.

Umunyamerikakazi w’Umwirabura, Serena Williams ni we mugore uri ku rutonde rw’abantu 100 mu binjije menshi bagize umwaka w’imikino, yinjije miliyoni 29.2$ asaga miliyari 22.9Frw.

Umuntu winjije make mu bari ku rutonde rw’abakinnyi 100 yinjije miliyoni 25$ asaga miliyari 19Frw. Abakinnyi 62 muri aba bamamaye mu mikino y’Abanyamerica harimo 35 bakina muri NBA.

Top 10 :
1. Lionel Messi $127m (£99.8m)
2. Cristiano Ronaldo $109m (£85.6m)
3. Neymar $105m (£82.5m)
4. Canelo Alvarez $94m (£73.8m)
5. Roger Federer $93.4m (£73.3)
6. Russell Wilson $89.5m (£70.3m)
7. Aaron Rodgers $89.3m £70.1m)
8. LeBron James $89m (£69.9m)
9. Stephen Curry $79.8m (£62.7m)
10. Kevin Durant $65.4m (£51.3m)

Tanga igitekerezo

Ntugire ikibazo Email yawe ntabwo tuyigaragaza kurubuga (*).

Ibitekerezo(3)