Tombola ya ¼ cy’imikino ihuza amakipe yabaye ayambere iwayo ku mugabane w’Uburayi (EFA Champions League), yasize iki ya Manchester United itomboye FC Barcelona naho FC Ajax itombora kuzahura na Juventus.

Iyi tombola yabereye i Nyon mu Busuwisi ku gicamunsi cyo kuri uyu wa Gatanu tariki ya 15 Werurwe 2019, yari itegerejwe na benshi nyuma yuko imikino ya 1/8 yagaragayemo gutungurana kudasanzwe.

Muri iyi mikino ya ¼, ikipe ya Manchester United niyo izatangira yakira FC
Barcelona, FC Ajax yo mu Buholandi yakire Juventus yo mu Butaliyani, Tottenham izacakirana na Manchester City zombi zo mu Bwongereza naho Liverpool yakire FC Porto yo muri Portugal.

Biteganyijwe ko imikino ibanza izakinwa tariki ya 9 n’iya 10 Mata mu gihe iyo kwishyura yo izaba ku itariki ya 16 n’iya 17 Mata 2019.

Umukino uzasoza UEFA Champions League 2018-2019 biteganyijwe ko uzakinirwa muri Espanye ku itariki ya 1 Kamena 2019, ku kibuga cya Wanda Metropolitano aho ikipe ya Atletico Madrid isanzwe yakirira imikino yayo.

Dore uko amakipe yatomboranye :

- FC Ajax (Netherland) vs FC Juventus (Italy)
- Liverpool (England) vs FC Porto (Portugal)
- Tottenham (England) vs Manchester City (England)
- Manchester United (England) vs FC Barcelona (Spain)

Tanga igitekerezo

Ntugire ikibazo Email yawe ntabwo tuyigaragaza kurubuga (*).

Ibitekerezo(0)