Real Madrid yatsinzwe umukino wa cyenda muri shampiyona ya Espanye izwi nka La liga muri uyu mwaka w’imikino - intsinzwi ya mbere kuva Zinedine Zidane yakongera gutoza iyi kipe - nyuma yo kurushwa na Valencia.

Bisobanuye ko kugeza ubu muri uyu mwaka w’imikino, Real Madrid imaze gutsindwa imikino ingana n’umubare w’imikino yatsinzwe mu myaka y’imikino ibiri ishize uyishyize hamwe.

Gonçalo Guedes ni we winjije igitego cya mbere cya Valencia mu gice cya mbere cy’umukino, nuko Ezequiel Garay aza gushyiramo icya kabiri mu gice cya kabiri cy’uwo mukino.

Igitego kimwe cya Real cyinjijwe na Karim Benzema mu minota y’inyongera y’umukino.

Mu gihe hasigaye imikino umunani ngo shampiyona y’uyu mwaka irangire, Real ni iya gatatu ku rutonde rw’agateganyo rwa shampiyona, ikaba irushwa amanota 13 na Barcelone iri ku mwanya wa mbere.

Hagati aho, Valencia yigiye imbere igera ku mwanya wa gatanu, ikaba irushwa inota rimwe gusa na Getafe ya kane.

Tanga igitekerezo

Ntugire ikibazo Email yawe ntabwo tuyigaragaza kurubuga (*).

Ibitekerezo(0)