Search

Imisatsi imaze gutwara Humble Jizzo amafaranga arenga miliyoni imwe mu myaka 4

NAWE WATUNGA IMODOKA Y'INZOZI ZAWE, KANDA HANO WIGURIRE IMODOKA ZIHENDUTSE GUHERA KU MAFARANGA IBIHUMBI 100 GUSA

KANDA HANO UREBE VIDEO

Manzi James uzwi nka Humble Jizzo umwe mu basore bagize itsinda rya Urban Boys, yahishuye byinshi ku musatsi we avuga icyabaye intandaro yo kuwugira dread amaranye imyaka ine, zikaba zimaze kumutwara amafaranga arenga miliyoni imwen’ibihumbi magana abiri.

Humble Jizzo ngo dread ze ziamze kumutwara amafaranga arenga miliyoni.

Humble kuri ubu uri kubarizwa muri Leta Zunze ubumwe za Amerika aho yaherekeje umugore we witegura ku byara imfura yabo, ngo gushyiraho dread ku mutwe ntibiba byoroshye kuko abantu batabibona kimwe uhereye no ku muryango wawe.

Uyu musore yavuze ko yatangiye gutunga dread bimugoye kuko atabanje kubyumva kimwe n’umubyeyi we utarashakaga ko ashyiraho iyi misatsi, ariko kuko ngo yari yarageze kubyo yasezeranyije se byatumye afata umwanzuro atamwitayeho.

Yagize ati “natangiye gutunga Dread mfite ubwoba bitewe n’umuryango wanjye.Nabanje gushwana na papa kuko nk’uko mubizi ni pasiteri”.

Humble avuga ko yatangiye ibyo gutekereza kugira Dread ku mutwe we ubwo itsinda ryabo rya Urban Boys bari bagiye gukora amashusho y’indirimbo yitwa ‘Indahiro’ bakoranye na Riderman, ati “ubwo twakoraga amashusho y’iyi ndirimbo nibwo twicaye turavuga duti ‘Ni iki twakora ngo dukore agashya’ Nizzo yashizeho pulante , njyewe nshyiraho ibidodo mu mutwe.”

Nyuma yo gufata amashusho y’iyi ndirimbo nibwo uyu musore yafashe icyemezo cyo kugumana umusatsi usutse ku mutwe, atitaye kuri se wari waramusabye ko yabanza kurangiza kaminuza kandi muri icyo gihe yari yarayisoje ngo agomba kwifatira umwanzuro.

Mbere ubwo Humble yari akisukisha indodo.

Nyuma , Humble avuga ko yaje kubona akazi avanaho bya bidodo mu rwego rwo kugira ngo abashe kuzuza inshingano ze, ariko bajya gukora amashusho akabisubizaho. Mu 2013, nibwo yaje gufata umwanzuro wo gushyiraho Dread nyazo, kugeza ubu akaba azimaranye imyaka ine.

Uyu musatsi ngo mu mezi abiri Humble Jizzo awutangaho ibihumbi 50 by’amafaranga y’u Rwanda kugira ngo bawukorere isuku uhore ugaragare neza. Yemeza ko gushyiraho dread ari nkuko waba ufite sitile ukunda wumva ikubereye, ntaho bihurira n’ubusobanuro bwo gufata ibiyobyabwenge nk’uko benshi babitekereza.

Uyu muhanzi avuga ko impamvu zatuma akuraho uyu musatsi we atitaye ku mafaranga amaze kuwutangaho ari uburwayi cyangwa ibindi bizazane umuntu ahura nabyo mu buzima nko gufungwa.

Humble Jizzo na mugenzi we Nizzo Kaboss bagize Urban Boys.

 

 

Ivan Heritier

Comments

comments




Leave a Reply

Your email address will not be published. Required fields are marked *