Search

Impinduka zidasanzwe ku makipe amwe na mwe yesuranye mu mikino yanyuma y’amatsinda ya UEFA ChampionsLeague

IBM Radio Listen Live

KANDA HANO UREBE VIDEO

Kuri uyu wa gatatu tariki ya 06 Ukuboza 2017 imikino ya UEFA Champions League ihuza amakipe atandukanye,yaje kugaragaramo impinduka zidasanzwe aho amakipe amwe yatunguranye atsinda bikomeye ayo yahanganaga nayo andi aza gutsindwa kuburyo butateganwaga na buri wese.

Ikipe ya Manchester City yatsinzwe biyunguranye na Shakhtar Donetsk 2 -1

Mu ijoro ryo kuwa gatatu  ikipe ya Liverpool irangajwe imbere n’umutoza wayo Jurgen Klopp yanyagiye bikomeye ikipe ya Spartak Moscow ibitego 7 kubusa hari mu mikino yakinwaga isoza iy’amatsinda muri UEFA Champions League naho Manchester City ku nshuro ya mbere kuva umwaka w’imikino watangira itsindwa umukino wa mbere na Shakhtar Donetsk ibintu byatunguye benshi bahaga iyi kipe amahirwe yose.

Imikino yose y’amatsinda mu irushanwa rihuza amakipe yabaye aya mbere iwayo i Burayi, UEFA Champions League, yarangiye hamenyekana amakipe 16 agomba gukomeza muri 1/8 andi yabaye aya gatatu muri buri tsinda yerekeza muri Europa League naho ayabaye aya nyuma arasezererwa.

Liverpool ihagaze neza muri iyi minsi, ni imwe mu makipe yasoje iyi mikino ashimisha bikomeye abafana bayo kuko yari yakiriye Spartak Moscow ku kibuga Anfield, iyinyagira ibitego 7-0. Philippe Coutinho yatsinzemo bitatu wenyine, Sadio Mane atsinda bibiri, Roberto Firmino atsindamo kimwe naho Umunya-Misiri, Mohamed Salah asoza ibirori ashyiramo icya nyuma.

Liverpool yihengekanye Spartak Moscow iyitsinda 7-0

Mu gihe byari ibyishimo ku bakunzi ba Liverpool, byari agahinda ku bafana ba Manchester City yatsinzwe umukino wa mbere kuva umwaka watangira. Iyi kipe ya Pep Guardiola watozaga umukino we w’ijana muri iri rushanwa mu mateka ye, yari yasuye Shakhtar Donetsk muri Ukraine iyitsinda ibitego 2-1.

Bigoranye, Real Madrid yatsinze Borussia Dortmund ibitego 3-2 ibifashijwemo na Borja Mayoral, Cristiano Ronaldo na Lucas Vazquez naho Pierre-Emerick Aubameyang atsindira iyi kipe yo mu Budage.

Tombola y’uko amakipe azahura muri 1/8 iteganyijwe kuwa Mbere tariki 11 Ukuboza, amakipe yari mu itsinda rimwe akaba adashobora gutomborana kimwe n’amakipe akomoka mu gihugu kimwe.

Uko imikino yo kuri uyu wa Gatatu yarangiye:

  • Liverpool 7 – 0 Spartak Moscow
    Maribor 1 – 1 Sevilla
    Feyenoord 2 – 1 SSC Napoli
    Shakhtar Donetsk 2 – 1 Manchester City
    FC Porto 5 – 2 Monaco
    RasenBallsport Leipzig 1 – 2 Besiktas
    Real Madrid 3 – 2 Borussia Dortmund
    Tottenham Hotspur 3 – 0 APOEL Nicosia

KWIZERA Juvenal-Ibyamamare.com

Comments

comments




Leave a Reply

Your email address will not be published. Required fields are marked *