Impinduka zidazanzwe mu biga muri kaminuza y’u Rwanda

IBM Radio Listen Live

KANDA HANO UREBE VIDEO

Ubuyobozi bwa Kaminuza y’u Rwanda buratangaza ko kuva mu ntangiro z’umwaka utaha w’amashuri imikoreshereze y’ibikorwa remezo  by’iyi kaminuza bizahinduka, ibi bikazatuma abanyeshuri biga amasomo afitanye isano bimurwa bagahurizwa hamwe kugira ngo bigire ku mashuri amwe.

Umuyobozi wungirije ushinzwe iterambere muri Kaminuza y’u Rwanda Amb. Dr. Charles Murigande avuga ko ikigamijwe muri uku kwimura no kwegeranya abanyeshuri biga amasomo afitanye isano ari ukugira ngo bifashe mu kuzamura ireme ry’uburezi  bikuraho imvune abarimu baterwa n’ingendo bakoraga bava ku mashuri amwe bajya ku yandi  kwigishayo.

Yagize ati “icyo bizadufasha, ibi ngibi by’abarimu byo guhora birukanka bajya kwigisha aha naha bizagabanuka, inyungu urimo n’uko amafaranga twabatangagaho muri izi ngendo azagabanuka, kandi nanone n’umwanya bakoreshaga mu ngendo uzagabanuka kuko nk’umwarimu wa kaminuza usanzwe wigisha i Huye ariko kuko isomo yigisha agomba kuritanga na Nyagatare, bigatuma amara amasaha 6 uri mu nzira ugenda bizagabanuka”

Uyu muyobozi yongeraho ko ibi bikorwa byo kwimura abanyeshuri ni birangira hari zimwe mu nyubako ziakoreshwaga n’iyi Kaminuza zizegurirwa   Leta ikazikoreramo ibindi bikorwa.

Yagize ati “ku byerekeranye na amashami y’ishuri ry’ubuganga n’ubuforomo wayasanga hirya no hino, wasangaga ari Nyarugenge, Nyamishaba, Huye, Nyagatare, Byumba na Kibungo kuri ubu icyo tuzakora ishami rya Byumba tuzarifunga, iry’i Kibungo turifunge, ayo mashuri yose y’ubuforomo tuzayakoranyiriza i Huye, inyubako zayafunzwe azahabwa Leta iyakoreremo ibindi”

Mu mwaka w’2016 nibwo Kaminuza n’amashuri makuru byose bya Leta byahurijwe hamwe byitwa Kaminuza y’u Rwanda, kuva icyo gihe, amwe mu mashami y’iyi kaminuza yagiye yimurwa akajyanwa ahari imfashanyigisho z’amasomo yigisha.

Nkuko bitangazwa na Kaminuza y’U Rwanda, muri Nzeri uyu mwaka, amashuri yose yigisha amasomo y’ubumenyi n’ikoranabuhanga azahurizwa muri Koleji y’ubumenyi n’ikoranabuhanga ishami rya Nyarugenge yahoze ari KIST.

Amashuri yose ya Kaminuza y’u Rwanda yigisha uburezi azahurizwa hamwe mu ishami ry’iyi Kaminuza riri i Rukara mu ntara y’Uburasirazuba.

Amashuri yigisha ubuhinzi n’ubuvuzi bw’amatungo azagira icyicaro gikuru i Busogo ariko higishirizwe ibijyanye n’ubuhinzi, ibijyanye n’ubuvuzi bw’amatungo ndetse n’ibijyanye no kuhira imyaka hakoreshejwe amamashini bizigishirizwa muri Koleji wa Nyagatare.

Amashuri yose yigisha ibijyanye n’amashyamba azigishirizwa ku ishami rya Huye.

Abanyeshuri biga ubuvuzi ndetse n’abiga ubuganga bazigira ahakoreraga ishuri ryigishaga uburezi (ex. KIE) ariko abanyeshuri biga iby’ubuvuzi bakazajya bamara imyaka 2 bigira i Huye.

Amashuri y’icungamutungo n’amabanki ndetse n’ishuri ryigisha ubugeni, ubumenyamuntu n’amategeko azigishiriza i Gikondo mu cyahoze ari SFB akaba ari naho hari ikicaro gikuru cya kaminuza y’u Rwanda.

28,560 total views, 1 views today

Comments

comments

Indirimbo Nshya : NTURANYE NABO by MAY LO[YIREBE HANO]



Leave a Reply

Your email address will not be published. Required fields are marked *