Imyaka 9 irashize abaye umu Padiri, UWIMANA Jean François yatunguye benshi munjyana ya hip hop(VIDEO)

Imyaka 9 irashize, UWIMANA Jean François abaye padiri muri Kiliziya Gatolika, Diyoseze ya Nyundo.

UWIMANA Jean François yamamaye cyane hano mu Rwanda, ubwo yinjiraga mu muziki aririmba injyana ya hip hop, abenshi babifata nk’ibidasanzwe ku mukozi w’Imana.

Imyaka 9 irashize, UWIMANA Jean François abaye padiri muri Kiliziya Gatolika, Diyoseze ya Nyundo.

Mu myaka 9 amaze mu mirimo yo kuba Padiri muri kiliziya Gatolika, UWIMANA, arashimira Imana yabimushoboje ndetse agashimira n’abantu bose bamubahe hafi mu masengesho yabo ya buri munsi.

UWIMANA Jean François kuri ubu ari kubarizwa mugihugu cy’Ubudage, mukiganiro yariranye n’ikinyamakuru IBYAMAMARE.com. Yavuze ko muri iyi myaka 9 ishize, urugendo rutari rworoshye kugeza n’uyu munsi, gusa arashima Imana ikomeje kumushoboza.

Avuga ko agerageza gushyiramo imbaraga, gusa nanone akazirikana ko amasengesho y’abakristo barimo n’abo atazi nayo ari mu byamugize uwo ari we uyu munsi. Yabasabye gukomeza kumusengera.

KANDA HANO UREBE INDIRIMBO YISE “TU ES LA VIE”

Padiri Uwimana wiyemeje kuririmbira Imana mu njyana zikundwa n’urubyiruko zirimo Hiphop, Reggae n’izindi yagize ati “Aujourd’hui le 16/07 ni bwo nabaye Padiri (Ordonné prêtre à Nyundo). Nabuhawe na Musenyeri Alexis HABIYAMBERE, Samedi le 16/7/2011. Byari ibirori. N’ubwo Imana ari yo ingejeje aha nanjye nkagerageza gushyiramo akabaraga ariko n’amasengesho y’abakristu abenshi ntanazi”.

Ati “Ba bakecuru baba bari ku mavi badusabira twe twirukanka, ayo masengesho nayo yarankomeje kandi aracyamfasha bakomeze bansabire Imana inyongerere imbaraga nanjye nkomeze kubafasha twese tuzatahe mu ijuru ntawisigaye”. Yavuze ko abamusabiye bose ku Mana abatuye indirimbo ye yitwa ‘Tu es la vie’ (Uri ubuzima) iri mu rurimi rw’Igifaransa.

Yagize ati “Akaririmbo Tu es la vie ngatuye rero abakunzi banjye bose, abumva Français bo ni munange ariko n’abandi banyereze urukweto tu. Imana ni yo buzima, urukundo, n’ubwo afite igitinyiro cyinshi, iradukunda cyane nk’umubyeyi. Ntacyo twayiburana”. Padiri Uwimana yavuze ko nyuma y’iyi ndirimbo ateganya gusohora vuba izindi nshya zitandukanye. Akunzwe cyane mu ndirimbo zitandukanye zirimo; Gusenga, Nyirigira, Twigendere n’izindi.

Tanga Igitekerezo ukoresheje Facebook

SHARE