Rutahizamu Bigirimana Issa yatangaje ko atitaye ku bantu bafashe umwanya ku mbuga nkoranyambaga bagatuka umukunzi we kubera uko yari yambaye ubwo yamwambikaga impeta.

Issa yateye ivi yambika umukunzi we impeta

Uyu rutahizamu uherutse guhabwa akayabo k’ibihumbi 20 by’amadolari n’ikipe ya Young Africans kugira ngo ayisinyire amasezerano y’imyaka 2,yatangarije ikinyamakuru Isimbi TV ko atitaye ku banenze imyamabarire y’umukunzi we, Uwase Carine, ndetse ngo n’iyo yakwambara ibirenze biriya ntacyo byamutwara, icya mbere ari uko we amukunda.

Yagize ati”Numvise byinshi cyane bijyanye n’imyambarire y’umukunzi wanjye, gusa kuri njye uko yakwambara kose nta kibazo.

Icya mbere ni uko ankunda kandi ahora abimbwira buri munsi n’iyo yakwambara ibirenze hariya njye ntacyo byantwara kuko ni we waba wihitiyemo.Njye mu rukundo ntanga uburenganzira busesuye icyo nababwira ni uko nabonye abadukunda n’abatishimiye ibyanjye n’umukunzi wanjye”.

Imyambarire yuyu mukobwa yagiye igawa n’abantu benshi bakoresha imbugankoranyambaga

Mu ijoro ryo Kuwa Gatanu taliki ya 21 Kamena 2019,nibwo Bigirimana Issa yateye ivi asaba umukunzi we Uwase Carine ko yazamubera umugore arabimwemerera,arangije amwambika impeta.

Tanga igitekerezo

Ntugire ikibazo Email yawe ntabwo tuyigaragaza kurubuga (*).

Ibitekerezo(1)