Ni igitaramo cyari cyitabiriwe n’abantu benshi bari mungeri zitandukanye, cyari igitaramo cyambere cyo kumurika album yambere y’umuhanzi Burabyo Yvan [Yvan Buravan]

Yvan Buravan umaze igihe kigera ku myaka itatu yinjiye muri muzika yamuritse album ye yambere yise "The Love Lab" mu ijoro ryo kuri uyu wa Gatandatu tariki 1 Ukuboza 2018. Cyabereye muri Camp Kigali mu mujyi wa Kigali.


Abakunzi ba Buravan bari bitabiriye iki gitaramo kubwinshi

Buravan yinjiye kurubyiniro ahagana i Saa Tatu zuzuye, yaje azanye n’abasore n’inkumi bambaye imyambaro yambarwa nabari muri laboratoire, baje basohorera ku meza yari ateretseho ibisa n’imiti maze baratangira barayivangavanga mugisa n’umukino bari bateguye, buri wese wari mu ihema rya Camp Kigali byari bimuteye amatsiko.

Buravan yahereye ku ndirimbo yise ’Majunda’ ari nayo ya mbere yashyize hanze ubwo yatangiraga muzika. Yanaririmbye kandi Si Belle’ , ’Heaven,’ ’Bindimo,’ n’iyitwa ’Malaika’. Buravan kandi yaririmbye indirimbo zirimo n’izitarasohoka nka ’Oroha’ yakoranye na Charly & Nina ndetse na ’Canga irangi’ yakoranye na Active.

Burabyo Michael na Uwikunda Elizabeth , ababyeyi ba Yvan Buravan nabo bari mu bitabiriye iki gitaramo ndetse se wa Buravan yamusanze ku rubyiniro ari na we Buravan yavuze ko akomoraho inganzo.

Mu bandi bahanzi baririmbye muri iki gitaramo harimo, Charly & Nina, Active na Uncle bafashije Yvan Buravan mu kumurika Album ye ya mbere.

Buravan ni umwe mubahanzi bagezweho muri iyi minsi ndetse byagaragaye ko akunzwe cyane bitewe nubwitabire bw’abaje mu mugitaramo cya mbere yari ateguye.


Buravan acyinjira kurubyiniro yabanje muri Laboratoire

Tubibutseko Buravan aherutse gutsindira igihembo cyiswe ‘Prix Decouverte 2018’ gitangwa na Radio mpuzamahanga y’abafaransa RFI.


Umuhanzikazi Asinah nawe ari mubitabiriye igitaramo cya Buravan


Sachat na Shaddyboo bari banezerewe cyane


Olivier Nduhungirehe, umunyamabanga wa Leta muri Minisiteri y’Ububanyi n’amahanga ni umwe mu banyacyubahiro bitabiriye igitaramo cya Buravan.


Mama wa Buravan mugitaramo cy’umuhungu we


Ibyishimo byari kuri bose


Buravan yari yazanye n’abamufasha kubyina


Aline Gahongayire na Masamba Intore bari mubitabiriye igitaramo cya Buravan


Buravan na Se bafatanyije kuririmba indirimbo bafitanye

Amafoto : Muzogeye Praisir

Leave A Comment

Ntugire ikibazo Email yawe ntabwo tuyigaragaza kurubuga (*).