Kuri uyu Wa Gatanu tariki ya 28 Ukuboza 2018 nibwo Ange Ingabire Kagame umukobwa wa Perezida Paul Kagame, yasabwe aranakobwa n’umusore bamaranye igihe mu rukundo witwa Bertrand Ndengeyingoma.

Ibi birori byabereye mu rugo rwa Perezida Kagame mu karere ka Rwamagana, Umurenge wa Muhazi Akagari ka Ntebe mu mudugudu w’Urugwiro.

Ange I. Kagame w’imyaka 25 y’amavuko niwe mukobwa rukumbi mu bana ba Perezida Kagame akaba akurikira imfura. Yize igice kimwe cy’amashuri ye mu Rwanda ikindi agikomereza muri Amerika ari naho yasoreje ikiciro cya gatatu cya Kaminuza.

Bertrand Ndengeyingoma uzwi cyane nka Billy wasabye Ange, ni umuhungu nawe wize amashuri abanza n’ayisumbuye i Kigali, Kaminuza yikomereza muri Amerika muri Massachusetts University of Technology yiga Civil Engineering mu kiciro cya kabiri, ikiciro cya gatatu cya Kaminuza yiga Architecture muri iyi Kaminuza. Akaba ari umuhungu wa Cyrille Ndengeyingoma ubusanzwe wikorera ku giti cye.

Iby’ubukwe bwabo byatangiye kunugwanugwa mu ntangiriro z’uyu mwaka. Bamwe mu batumiwe muri ubu bukwe bafashe amafoto akaba ariyo akomeje gukwira kwira ku mbuga nkoranyambaga zitanduanye.

Tanga igitekerezo

Ntugire ikibazo Email yawe ntabwo tuyigaragaza kurubuga (*).

Ibitekerezo(0)