Umunyamakuru w’ umushyushyarugamba Anita Pendo yavuze ko ubwamamare bwa Mwiseneza Josiane ari igitangaza cy’ Imana.

Mwiseneza Josiane ni umukobwa w’ imyaka 23 ukomoka mu murenge wa Rubengera mu karere ka Karongi, uyu mukobwa yinjiye mu irushanwa rya Miss Rwanda 2019 ahagariye Intara y’ Iburengerazuba.


Anita Pendo ni umu MC akaba n’umunyamakuru uzwi cyane mu myidagaduro

Umunyamakuru yabajije Anita Pendo niba azi Mwiseneza Josiane ati “Mwiseneza hari utamuzi ?”. kuba uyu mwari ageze ku rwego rwo kuba ibyamamare mu Rwanda byibaza niba hari umuntu utamuzi byo ubwabyo ni igitangaza.

Umunsi wanone irushanwa rya Miss Rwanda 2019 risigayemo abakobwa 18 nawe arimo kandi batangiye barenga 300. Ku munsi wa mbere w’ ijonjora uwavuga ko atari benshi bashoboraga kwemeza ko azagera ku rwego agezeho uyu munsi ntabwo yaba yibeshye.

Uku kwamamara kwa Mwiseneza bikaba nta muntu n’ umwe wabikekaga yewe na nyir’ ubwite atabitekereza Anita Pendo avuga ko ari igitangaza cy’ Imana.

Aganira na Flash TV yagize ati “Uriya mukobwa kuba abantu bose bamwamamaza ni gahunda y’ Imana. Iyo ari gahunda y’ Imana igupangira n’abantu batanakuzi bakagukorera ubuvugizi ntabwo umenya aho bivuye”


Josiane niwe mukobwa uri kuvugwa cyane muri Miss Rwanda

Mwiseneza Josiane yambara numero 30, ifoto ye niyo yakunzwe n’ abantu benshi kuri facebook no kuri instagram bimuhesha amahirwe yo kwinjira mu bakobwa 20 bagiye mu mwiherero nta yandi mananiza.

No mu gikorwa cyo gutora ku butumwa bugufi, uyu mukobwa akomejekurusha bagenzi be bahanganye muri iri rushanwa.

Tanga igitekerezo

Ntugire ikibazo Email yawe ntabwo tuyigaragaza kurubuga (*).

Ibitekerezo(7)