Umuhanzi Ngabo Medard (Meddy) usanzwe abarizwa muri leta zunze ubumwe za Amerika yasesekaye mu mujyi wa Kigali, afatanye agatoki ku kandi n’umukunzi we w’umunya-Ethiopia.

Meddy yageze ku kukibuga cy’undege mpuzamahanga cya Kigali i Kanombe, kuri uyu wa mbere taliki 24 Ukuboza 2018, yari ahaerekejwe na Mimi Mehfira umukobwa basigaye bakundana.


Meddy ubwo yageraga i Kigali

Mubizanye uyu muhanzi mu Rwanda, harimo gutangira imyiteguro y’igitaramo cya East African Party kizaba taliki ya 1 Mutarama 2019.

Meddy akigera ku kibuga cy’indege yari ategerejwe n’abanyamakuru bamubajije ibibazo bitandukanye.

Meddy yagaragaje ko atewe ishema n’umukunzi we ariko avuga ko ibijyanye na gahunda y’ubukwe byo batarabipanga. Yabajijwe niba aje kumwerekana avuga ko nta kundi kumwerekana kurenze kuba bazanye mu Rwanda, gusa yahamije ko azamwereka inshuti, abavandimwe ndetse n’umuryango we bakamumenya kuko basanzwe bamwumva gusa, banamubona mu binyamakuru.

Urukundo rwa Meddy na Mimi Mehfira rwatangiye kuvugwa cyane mu mpera z’umwaka wa 2017.


Meddy yageze i Kigali afatanye agatoki ku kandi n’umukunzi we

Tariki ya 15 Ukuboza 2018 i Texas muri leta zunze ubumwe za Amerika, Meddy yavuye muri Tanzania aho yari amaze iminsi mubikorwa bye bya muzika maze ajya kwifatanya n’uyu mukunzi we mubirori bye ubwo yizihizaga isabukuru y’imyaka 30 amaze avutse, icyo gihe Meddy yavuzeko yishimira cyane uyu mukobwa kuko ari inshuti nziza kandi ari umuntu udasanzwe.

Mu magambo Meddy yabwiye uyu mukobwa yavuzeko ari umuntu udasanzwe maze yongeraho ati "Uzanira benshi muri twe amahoro...!"

Uyu mukobwa uri muburyohe bw’urukundo na Meddy akomoka muri Ethiopia bamenyanye ubwo yamukoreshaga mu mashusho y’indirimbo ye yise "Ntawamusimbura"


Mimi Mehfira umukunzi wa Meddy

Tanga igitekerezo

Ntugire ikibazo Email yawe ntabwo tuyigaragaza kurubuga (*).

Ibitekerezo(1)