Miss Rwanda 2009, Bahati Grace yahishuye umukunzi we mushya witwa Parfait avuga ko yamuryohereje umwaka wa 2018, anatangaza ikintu gikomeye yamukundiye.

Bahati Grace akimara kwambikwa ikamba rya Nyampinga w’u Rwanda w’umwaka wa 2009, yahise ajya mu rukundo n’umuraperi K8 Kavuyo nawe wari mubari bagezweho muri icyo gihe.

Uyu mukobwa yaje kwerekeza muri Leta Zunze Ubumwe za Amerika ri naho uyu murapei K8 nawe yari agiye gukomereza amashuri ye ya kaminuza.

Mu 2012 nibwo baje kubyarana umwana bamwita Muhire Ethan, nyuma gato bazagutandukana buri wese akomeza ubuzima bwe cyakora bagahuzwa n’umwana.

Nyuma y’imaka irenga itanu Bahati atandukanye na K8, yongeye gusubira mu buzima bw’urukundo anahishura uyu musore yongeye kwegurira umutima we [Parafit] usanzwe aba muri Canada.

Mu ntangiro z’uyu mwaka Bahati yatangaje ko ari mu bakobwa bishimye muri iki gihe maze ashyira hanze ifoto ari kumwe n’uyu musore ashimangira ko ari we watumye umwaka wa 2018 umubera uburyohe.

Ku mugoroba wo kuri uyu wa Gatanu, uyu mukobwa yongeye gushimangira urwo akunda uyu musore maze ashyira ifoto kuri Instagram bari kumwe ayiherekesha amagambo avuga ko ‘yishimiye umugabo utinya Imana’ nka kimwe mubyo yamukundiye. Arangije ashyiraho utumenyetso turimo ako gushima n’akandi k’umutima.

Bamwe mu nshuti za hafi z’aba bombi zemeza ko umubano wabo ugeze kure kuburyo bashobora no kurushinga mu gihe cya vuba. Nubwo Parfait asanzwe aba muri Canada ariko ngo inshuro nyinshi aba yagiye muri America kureba umukunzi we Grace.


Miss Bahati Grace n’umukunzi we mushyaya Parfait


Grace n’uwana we w’umuhunguEthan Muhire yabyaranye na K8 Kavuyo.

Bahati Grace [hagati] ubwo yambikwaga ikamba rya Miss Rwanda 2009.

Tanga igitekerezo

Ntugire ikibazo Email yawe ntabwo tuyigaragaza kurubuga (*).

Ibitekerezo(1)